كتبت: كاريمان محمد

 

الفتره دي بتكون المشاعر ملغبطه وكتير و عكس بعضها , وبنكون حساسين لأي كلمه نعيط عليها عشان كده بناخد جنب من الناس ونهرب لشويه مزيكا , ومينفعش نهرب للمزيكا فتزعلنا هي كمان دي اشويه اغاني كده بعد الفركشه لازم منسمعهاش

 

1-كده يا قلبي شيرين عبدالوهاب

بنات كتير اجمعوا ان دى اغنيه رسميه للانفصال وانهم غالبا بينهاروا بعد سمعاها فنحاول منسمعهاش ونحافظ علي شرايينا بخير ومننتحرش

2-بطلي تحبيه اليسا

اليسا بتدينا نصيحه غالبا بنقولها لبعض زي بطلي تفكرى ,متسأليش فيه وغالبا ده مبيحصلش سورى اليسا

3-كان وكان وكان محمد حماقي

حماقي قال حاجات كتير حلوه حسها مع حبيبه في الاغنيه لدرجه توصله ان الانفصال بالنسبه كان حلم وبيصحي منه لكابوس  يواجه بيه واقع انه لوحده

4-خليني ذكري وائل جسار

وائل غني اغنيه قريبه من البنات واحساسهم انهم بيتمنوا يسمعوا الطرف التاني بيقول في حقهم كلام كويس وان السبب كان الظروف وان نتمني نكون لبعض ذكري لطيفه وخفاف كده ف حياة بعض

5-كيفك يا وجعي وائل كفورى

وائل بيسأل حبه القديم عن حالته وعن قلبه اللي سابه معاها بس قال ملاحظه لطيفه جدا انه مش بيسأل عشان يرجع يعني ممكن نسميه مجرد حنين

6-نفس المكان عمرو دياب

عمرو قابل فركش مع حبيبه في نفس المكان عشان كده بنقول الاماكن مهمه, بلاش ناخد اللي بنحبهم اماكن بنرتاح فيها عشان مش هنعرف ندخلها تاني وهما مش معانا

7- حب امتلاك جنات

جنات بعد الناس ما حذروها منه ومن وعوده الكدابه برضه كملتوا بتقول عرفت ان نيته يتصاحبوا شويه وينسوا بعض معرفش هي كملت علي اساس ايه , اللي تحس كده من الاول لازم تهرب لازم

8-في الكام يوم اللي فاتوا لطيفه
لطيفه بتسأل بمنتهي الطيبه ازاي بيعيش حياته من غيرها , وازاي يسيب الليل يعدي عليها لوحدها وبتقول لو نسيني خلاص هروح انا فيها لا لا لا اتمني متروحيش فيها ولا حاجه مفيش حاجه تستاهل

9-انت ايه نانسي عجرم

نانسي مستغربه  اوي انه بيخدعها وراضي بدموعها والاكتر انها راضيه بعذابها , وان ده نصيبها من الحب وهي راضيه , غلبانه نانسي متكونيش زيها

10-من السنه للسنه آمال ماهر

امال فركشت بشكل لطيف اوي وكلاس جابتله هديه  تسيبهاله ذكرى مع وعد بسؤال من السنه للسنه عشان تطكم علي اخباره الحقيقه كلنا ممكن نسأل بس غالبا مش عشان نطمن لا عشان تشمت