الـ Wedding Porposal بيعتبر من أهم خطوات الزواج في الثقافة الغربية .. هو باختصار فن طلب الزواج من البنت اللي أنت بتحبها .. والرجالة في بلاد برة بتبذل مجهود كبير في التفكير في أفكار مبتكرة للـ Proposal .. عشان تبقى مفاجأة جميلة لزوجة المستقبل.
طبعاً الكلام ده مبيحصلش في مصر .. “الجواز” عندنا ليه خطوات تانية خالص .. بداية من “متكلمين عليها” ومروراً بـ “قراية فتحة” .. ونهاية بـ “كتب كتاب” و”دخلة”.
ولو افترضنا أننا حبينا نتبع ثقافة الـ Porposal في مصر .. فده هيبقى صعب لأكتر من سبب من وجهة نظرنا .. تعالوا نشوف إيه الأسباب دي

1- البنات المصرية “سايكو”

2
نسبة البنات “السايكو” في مصر عالية جداً .. وفي العالم كله تقريباً .. بس في مصر ممكن البنت اللي بتحبها وبتحبك تتسبب في فشل لحظة الـ Proposal اللي أنت طلع عينك فيها .. بردود من نوعية “إيه الهبل اللي أنت عامله ده؟” أو “أنت تيجي تطلب إيدي من بابا”

2- فضيحة على الفيسبوك

3
الفيسبوك بقى مصب أحداث المجتمع المصري .. أي حاجة بتنتشر عليه .. لو افترضنا أن لحظة الـ Proposal نجحت .. هتروح تفتح الانترنت تلاقي مفيش كلام ع الفيسبوك غير عن اللي أنت عملته .. وكومنتات منقسمة إلى محن أو شتيمة فيك.

3- منى الشاذلي

%d9%85%d9%86%d9%89
لو موضوع الـ Proposal سمع كويس .. اضمن لك فقرة في برنامج منى الشاذلي .. ودي مش حاجة حلوة خالص يا صاحبي .. مش حلوة ابدا ؛ عشان لو جدلا عديت بسلام من النقطة اللي فاتت …اللقاء ده هيعيش سنين وسنين عاليوتيوب.

4- النفسنة

هتواجهوا كمية نفسنة مش طبيعية من صديقات حبيبتك اللي اتجوزوا بطريقة تقليدية  .. كمية نفسنة كفيلة أنها تدمركم وتدمر علاقتكم وتخليكوا تطلقوا وانتم في مرحلة الخطوبة.

5-المكان دايما مشكلة

arto

اي حد نفسه يعمل مفاجأة لحبيبته لازم يختار المكان المناسب عشان دي ذكري مش بتتنسي زي ما قولنا …تفتكري لو الProposal بتاعك كان في جامعة او كافيةاو في شارع جانبي … مع العلم ان اغلب الاماكن السابقة شكلها لوحده بيقفل اي حاجة حلوة …تفتكر دي هتبقي ذكري سعيدة .
استهدى بقى بالله يا بني .. وروح حدد معاد مع والد العروسة اسهل وخلي الموضوع طبيعي .. ومش معني كده ان محدش عمل Proposal في مصر بس نسبة 90% ندم عاللي غمله …أسال مجرب .