عشان نفتح نفسنا عالشغل كل اليوم، طورنا عادة القهوة الصبح قبل الشغل. اه ممكن تشربها في البيت قبل ما تنزل. وممكن برده تاخدها معاك من البيت وتشربها في الطريق. بس لما تنزل بدري شوية وتبقى متعود تعدي قبل الشغل تجيب قهوة سخنة او ساقعة كدة الموضوع بيبقى لذيذ ومختلف. عشان كده، جمعنالكم ٥ أماكن (غير ستاربكس) جامدين بيعملوا قهوة حلوة!

كوفي بار Coffee Bar

المكان ده هو آخر اكتشافاتنا في الزمالك. مكان لطيف محندق كده قدام هيلتون الزمالك بالظبط. اختيارات المنيو فيه لسه محدودة شويه بس جربنا ال Spanish latte وال chocolate frappe وكانوا لطاف جدًا!

كوڤا Cova

المكان ده مش جديد بس مش ناس كتير عارفاه. أي نوع قهوة عندهم فعلًا بيبقى مميز. الاختيارات كمان عندهم كتير والحلويات والمخبوزات لطيفة جدًا وبتكون اختيار كويس مع الفطار الصبح. مكانه في الزمالك شارع طه حسين.

كوفي لاب Coffee lab

المكان ده يوناني الأصل وليه كذا فرع هما مول مصر، كونكورد بلازا وسيتي ستارز. لو قريب منهم بننصحك تجرب ال cold brew بتاعهم!

أوريجو Origo

تقريبًا انتوا لاحظتوا ان ده من الأماكن المفضلة عندنا. أوريجو في الزمالك قدام سنتر اليمامة هو كوفي هاوس مستخبي وصغير كده بس بيعمل قهوة لذيذة وقعدته رايقة. اختيار حلو بردهللقهوة الصباحية!

عرفونا في الكومنتات

 بتحبوا تجيبوا قهوة الصبح منين!