شم النسيم

أجازة شم النسيم دي حاجة كده جاية من عند ربنا عشان ناخد بريك من الي بنشوفه كل يوم في الشغل و المدرسة و الجامعة ونريح كده شوية.

بس مش كل الناس بتستغل أجازة شم النسيم بنفس الطريقة، فيه الي بيعيش حياته، فيه الي بيتكدر و فيه اللي مش معانا اساساً، مثلاً:

١- الي مستني الفسيخ و الرنجة بفارغ الصبر

شم النسيموده غالباً بيبقى محضر الأكل من قبل شم النسيم بأسبوع على الأقل. مش بس كده، ده كمان غالباً بيبقى بدأ احتفاله مع نفسه و بياكل فيهم مع البصل بقى صبح وبالليل.

٢- اللي بيقعد يستقنيس كده و يتفرج على الأفلام الي على روتانا سينما

شم النسيم

شم النسيم بالنسبة للشخص ده هنا يعني أفلام. يعني من الأخر كده بيفتح روتانا سينما ويعيش بقى، من اول عسل اسود لفيلم الحفيد، بيتفرج على اي حاجة في وشه!

٣- التافه الي بيخرج مع أطفال العيلة عشان يلون البيض

شم النسيمده بقى شم النسيم بالنسبة له يعني هبل وتفاهة، وطبعاً عشان صحابه مش عايزين يهبلوا معاه، بيسبهم وبينزل مع أطفال العيلة يلون بيض ويعيش طفولته الضايعة!

٤- الي بيخرج مع صحابه و مش واخد باله ان في شم نسيم من أساسه

شم النسيمده شخص مايعرفش هو واخد أجازة ليه من اصله، يعني عادي مش في دماغه وبينزل يتغدى مع صحابه ويشوف في افلام اجنبي ايه تتشاف في السينما النهارده.

٥- الشخص الي طبعاً اول اما نقول يا أجازة يقول يلا على الجونة

شم النسيمده كده كده مسستم نفسه وحياته على السفر، ومش اي سفر لأ، ده بيروح الجونة كمان وبيهيص. بحر بقى وهوا و بيسين، شم النسيم على اصوله يعني، ده غير الفوتوسيشن الي على البحر طبعاً.

٦- الي جاي عشان يتقرف من الرنجة و الفسيخ

شم النسيمده بقى مش بيعمل حاجة غير انه بيروح الخروجات والعزومات عشان يقول:”ايه القرف ده؟ انتوا بتاكلوا الحاجات ديه ازاي،”و شكراً على كده بيروح.

٧- الي بيروح عند جدته و بيتجمع مع العيلة وبعدين يخش ينام

شم النسيمده مش بيعمل حاجة، بيروح مع أهله و اخواته عند جدته عشان يسلم، ياكل، وبعدين ينام و الناس قاعدة عادي جداً.

٨- الي بيذاكر وهو كاره عيشته

شم النسيموده بقى بيقعد بالشاي بلبن بتاعه يذاكر وهو كاره عشته وحياته وبيتفرج على ستوريز صحابه وصورهم وهما مهيصين ومسافرين وهو قاعد متكدر.

ها؟ يا ترى طلعتوا انهو شخصية في دول؟ قولولنا في الكومنتز وشاركونا انتوا بتقضوا شم النسيم ازاي!