منى المتيم

هاتي الريموت ..  الماتش ابتدى .. أكتر جملة بتكره الستات أنها تسمعها، وخصوصاً أن ميعاد الماتش ديماً بيكون وقت أذاعة المسلسل اللي هي بتحبه … مأساااااة  ، وده بيخلي ستات كتير تتمنى أنها ترتبط براجل مابيحبش الكورة .

وناس تانية مش حاسة بالنعمة اللي ربنا ادهالها ، تلاقيها مستغربه الرجل اللي موش بيحب الكورة ، شيفاه الفريد من نوعه، ومش زي كل الرجالة .. حاسة ان في حاجة غلط !!

ما تستغربيش ، النهارده هنقولك على أسباب كتيرة هاتخليكي تعشقي الراجل اللي مش بيحب الكورة

  • انسي بقي ” المود الوحش ”  :

______-_______
من أهم مميزات الراجل اللي ما بيحبش الكورة ، انك مش هتلاقيه موده وحش عشان فريقه خسر أو حتى خسر الرهان مع صحابه عشان الماتش، بالعكس ديماً هتلاقيه معظم الوقت معاكي، هيحاول يشاركك اهتماماتك اللي بتحبيها بدل ما يأخد منك الريموت عشان الماتش.

2- انسي ترتيب LIVING ROOM  مرتين :

______-_______-4
ديماً الست بتعاني من تحويل غرفة المعيشة او LIVING ROOM  لكافية جوه بيتها ، ديما بتشوف الكوبيات والمسليات أكثر ما بتشوف جوزها شخصياً وقت الماتش ، وده طبعاً بيخليها ترتبها قبل الماتش وبعده .. وده طبعاً من الحاجات المرهقة أوي للست، ولكن لما ترتبطي براجل موش بيحب الكورة .. طبعاً انسي الموضوع ده تماماً

3- وقت الماتشات والتحليلات الرياضية هيكون ليكي :  


ايوة ، بدل ما يقعد فترة طويلة بيتابع الماتشات وبعدها الاستديوهات التحليلية ، ويوم ما يفكر يقعد معاكي شوية ، بردو هيكلمك على الماتش وقد ايه الحكم كان ظالم او أزاي لاعبه المفضل ابدع في الماتش ده ، لدرجة أنك ممكن تفتكري أنك قاعده مع كابتن مدحت شلبي .. لا .. انسي كل ده .. وقت الماتشات هيكون ليكِ لوحدك .. بزمتك في أحلى من كدة …؟!

4- انسي إصابات الماتشات :

______-_______-2
ستات كتير بتتحول إلى ممرضة بعد كل ماتش ، أيوة .. وده عشان يا أما ارتفاع ضغط الدم لاجوازهم بسبب عدم قدير الحكام للفريق اللي بيشجعه ، وأما بسبب الجروح اللي بتحصل من الخناقات بعد الماتشات .

5- مش هاتتجنني عشان تلفتي نظرة:


ستات كتير بتجنن عشان تلفت نظر أجوزاهم  اللي ديماً شايفين اللي لاعبه المفضل جذاب أكتر من مراته ، وده بيخلي رجالة كتير موش مهمته بزوجاتهم أو بمعني أصح هو شايفين الكورة SEXY أكتر من مراته ، انسي بقي كل ده .. بالعكس هتلاقي جوزك مركز معاكي جداً .. ماهو مافيش حاجة واخده عقله غيرك ☺ .

6-  التوفير :______-_______-3

التوفير  وما أدراك ما التوفير ، يعني انسي بقي فلوس تذاكر الماتشات اللي بتبقى في أوقات كتير أهم من مصروف البيت ، لا ممكن تستغلي الفلوس دي كمان في السفر لشهر عسل جديد او ويك اند لذيذ انتي وهو وبس … عشان كده لما تفكرى ترتبط … الاحسن اختياري اللي مش بيحب الكورة