1- أعمل ورشة
الموضوع مبقاش معقد زي زمان، مفيش رقابة على الحوارات دي، شوف أي حاجة أنت بتعرف تعملها، وفضي أوضة عندك في البيت أو أجر أوضة من أي مكان ثقافي يكون سعره زهيد، وابدأ في الإعلان عن الورشة عل الفيسبوك، وحتى لو مكنتش بتفهم حاجة أعمل ورشة بردو في أي حاجة، ده في ورش اتعملت قبل كده بعنوان “إزاي تذاكر” وحضرها مئات الناس واللي عمل الورشة غالبا دلوقتي مبقاش محتاج يذاكر أصلاً والميزة في الموضوع ده أنك حتى لو محدش أشترك معاك خالص أنت مش هتخسر حاجة لأن الدعاية عملتها ببلاش على الفيسبوك.
2- ده فن تجريدي
ودي بردو سبوبة مش هتكلفك كتير في الأول، أنزل أشتري كام طبق على كام كوبايه على كام نوت بوك من ام 2 ونص، وهات جاريد قديمة عليها صور هند رستم وشويكار وسعاد حسني، وغلف الحاجات دي بورق الجرايد ده من فوقيه ورد بلاستك من بتاع الميكرووف، وصور الحاجة دي صور فخيمة كده وايفكتاتك وانستجراماتك وأعمل صفحة ليك على الفيسبوك وسميها أسم فني عميق وخلي حد صاحبك يكون بيفهم فوتوشوب يصمم لك اللوجو وخليه يعمل اللوجو بالخط العربي بس يكون حرف واحد بس هو اللي انجليزي في الكلمة، بعدين نزل الصور وعليها أسعار خرافية ولو حد انتقدتك قوله ده فن تجريدي.
3- أعمل قناة
مش على القمر الصناعي، على اليوتيوب، مش هتكلفك حاجة بردو أنت كده كده بتدفع اشتراك الانترنت بتاعك، وأطمن مش هتحتاج تعمل برنامج و معدين ومصورين وكده، بموبايلك وسجل لنفسك وأنت بتقول كلام مستفز أو كلام دمه تقيل، أو أي راي انت عارف انه هيستفز الناس على الفيسبوك، انشر الفيديو على اليوتيوب بعد ما تكون ظبطت الدنيا انك يتحولك فلوس على المشاهدات، وبعدين سيب باقي نجاح مشروعك على الناس اللي فاكرة انها اذكى منك وهتفضل تقعد تعملك شير وتشتمتك وأنت أقعد في أوضتك أضحك ضحكة شيطانية والفلوس عمالة تزيد في حسابك.
4- ايه الزهق ده
لو كنت بقى عايز تشتغل سبوبة مش سريعة أوي بس ادائها كويس جدا على المدى الطويل، الف كتاب وأنشره، النشر مبقاش صعب خالص، وياما بلاقي ناس أعرفها من سنين طويلة عمرها لا قرت ولا كتبت وتيجي تبعت لي “أميرة هو انشر كتاب أزاي؟” ، بس أنت خليك أذكى بقى من الناس اللي بتكتب بجد وعندها قضية تجاة العمل الأدبي، أنت تفكر في قصة فيلم اجنبي تكون جديدة الي حد ما، وحولها بالطريقة كده لشكل مصري، وقوم كتابها على شكل رواية بعدين بعد ما تتنشر خلي 4 من صحابك يشتموا فيها جامد على الفيسبوك، والعدوى هتسري بسرعة ومش بعيد بعد فترة تلاقيها أتحولت فيلم، وأضعف الإيمان هتلاقي مواقع بتطلب منك تنشر مقالات عندها وبره مصر بيدفعوا بالدولار واليورو يا معلم.
لو كنت بقى عايز تشتغل سبوبة مش سريعة أوي بس ادائها كويس جدا على المدى الطويل، الف كتاب وأنشره، النشر مبقاش صعب خالص، وياما بلاقي ناس أعرفها من سنين طويلة عمرها لا قرت ولا كتبت وتيجي تبعت لي “أميرة هو انشر كتاب أزاي؟” ، بس أنت خليك أذكى بقى من الناس اللي بتكتب بجد وعندها قضية تجاة العمل الأدبي، أنت تفكر في قصة فيلم اجنبي تكون جديدة الي حد ما، وحولها بالطريقة كده لشكل مصري، وقوم كتابها على شكل رواية بعدين بعد ما تتنشر خلي 4 من صحابك يشتموا فيها جامد على الفيسبوك، والعدوى هتسري بسرعة ومش بعيد بعد فترة تلاقيها أتحولت فيلم، وأضعف الإيمان هتلاقي مواقع بتطلب منك تنشر مقالات عندها وبره مصر بيدفعوا بالدولار واليورو يا معلم.
