لسة مكملين مع أهم موتات المسلسل اللي عمل حالة هوس غير طبيعية عند الجمهور  معملهاش مسلسل قبل كدةGame of Thrones.
واللي مقراش الجزئين اللي فاتوا يقدر يقراهم من هنا :
الجزء الاولالجزء الثاني

 

  • كراستر وجيور مورمنت

هنبدأ المقال المرة دي كمان بموتين كانوا محوريين جدًا في الأحداث الجاية.. واحدة منهم كنا مبوسطين لما حصلت، والتانية كانت صادمة ومؤثرة.

View post on imgur.com

نبدأ باللي اتبسطنا بيها وهي موتة كراستر، ابن الكلب اللي كان عايش مع بناته على إنهم مراتاته، واللي كان كل ما يجيله عيل ولد يديه هدية للـ White Walkers، لحد ما جت نهايته على إيد واحد من الـ Night’s Watch.

View post on imgur.com

بس الانبساط مطولش كتير، عشان بعدها على طول رجالة الـ Night’s Watch اتمردوا على القائد بتاعهم جيور مورمنت وقتلوه غدر، وكانت مدبحة راح ضحيتها أغلب اللي كانوا في صفه وقتها.

 

  • كرازنيس

kraznys-mo-nakloz-1431438322

موتة تانية بالحرق من التنانين بس المرة دي بعد ما كبروا، وكانت المرة دي لتاجر العبيد اللي كان بيحاول يبيع جيش الرجالة لدينيريس مقابل تنانيها، وكان بيحاول يتريق عليها، فالنتيجة إنه اتشوى بالشكل ده وهي خدت الجيش ببلاش.

 

  • روس

View post on imgur.com

واحدة من العاهرات بتوع littlefinger واللي كان بيستخدمها فاريس كجاسوسة، لحد ما ابن الكلب التاني جوفري قرر إنه يجرب هواية الصيد عليها، فكانت النتيجة زي مانتوا شايفين.

 

  • تاليسا ستارك وروب ستارك وكاتلين ستارك

وهنا وصلنا لتاني أكبر صدمة نقابلها في المسلسل بعد موتة نيد ستارك، وهي مذبحة القلعة أو كما تعرف بـ The Red Wedding، واللي بيعتبرها الكتير أقسى صدمة في أحداث المسلسل كله.

View post on imgur.com

البداية كانت مع تاليسا، مرات روب وأم ابنه المنتظر، واللي اتطعنت قدام عينيه أكتر من مرة.

View post on imgur.com

بعدها جه الدور على روب اللي كان في حالة لا يرثى لها وهو شايف مراته وكل اللي كانوا معاه بيتدبحوا قدام عينيه، فاتضرب في الأول بكام سهم، لحد ما جه روز بولتون وخلص عليه.

View post on imgur.com

والنهاية كانت مع كاتلين اللي كانت في حالة صدمة تامة وهي بتشوف ابنها البكر بيموت قدامها، فدبحت مرات والدر فراي وبعدها استسلمت تمامًا لحد تاني جه دبحها.

 

  • كارل وراست

رجالة الـ Night’s Watch اللي قادوا الانقلاب ضد جيور مورمنت وقتلوه كانت نهايتهم دموية ومرضية جدًا.

الأول قتله جون سنو بإنه غرز سيفه في مؤخرة راسه بالشكل ده.

 

والتاني هبره الـ direwolf بتاع جون بالشكل ده.

 

  • لوك

واحد من أتبع آل بولتون واللي حاول يقتل بران ستارك، فاكتشفنا هنا أكتر قدرات بران إنه يتحكم في هودور، اللي كسر رقبة لوك.

 

  • جوفري باراثيون

View post on imgur.com

رغم إن الموتة دي حصلت فعليًا قبل أخر كام موتة هنا، بس بعد المدبحة والصدمات اللي خدناها من شوية، قلنا ننهي المقال بحاجة كلنا اتبسطنا بيها واكن نفسنا تحصل من أول موسم، وإننا نشوف جوفري بيموت أخيرًا، وبيتعذب من السم اللي شربه، فالناس كلها حست بإرتياح وتلذذ كدة وهم شايفين الكلب اللي كان قارفهم طول 3 مواسم بيتعذب ويموت قدامهم.

 

  • المرة الجاية هنتكلم عن زينة شباب دورن اللي ملحقناش نفرح بيه كتير أوبرين مارتيل فانتظرونا.
tumblr_n3nrunkqwb1rzxujso1_500