كل سنة وأنتم طيبين .. رمضان السنة دي كان مليان مسلسلات متميزة ومستوى الدراما في مصر بيتطور من سنة لسنة .. ورغم إني ماتابعتش أي حاجة رمضان ده .. إلا أن ده مامنعنيش من أني أعرف أفضل التترات اللي اتعملت في مسلسلات رمضان السنة دي.
بعد لفة في على الساوند كلاود واليوتويب .. قدرت أجمع لكم أفضل تترات مسلسلات في رمضان 2016 من وجهة نظري المتواضعة
هي ودافنشي
مسلسل “هي ودافنشي” بطولة النجمة ليلى علوي والنجم خالد الصاوي .. تتر النهاية تحديداً في المسلسل ده من أحسن التترات اللي سمعتها في رمضان السنة دي .. وطبعاً مفيش أي اندهاش لأن التتر من أعمال الموسيقار العبقري راجح داوود.
تتر نهايه مسلسل هي وادفنشي – راجح داوود by Josephine Hanna
Stream تتر نهايه مسلسل هي وادفنشي – راجح داوود by Josephine Hanna on desktop and mobile. Play over 320 million tracks for free on SoundCloud.
أفراح القبة
هشام نزيه كالعادة بيضرب بإيد من حديد .. بعد الروائع اللي عملها قبل كدة وأفضلها بالنسبة لي تتر مسلسل “السبع وصايا” و الموسيقى التصويرية لفيلم “الفيل الأزرق”، بيقدم لنا السنة دي موسيقى أكثر من رائعة في تتر مسلسل “أفراح القبة”
جراند أوتيل
المسلسل اللي عمل حالة مميزة في المجمتع المصري والبوستات اللي بتتكلم عنه مغرقة السوشيال ميديا .. التتر بتاعه لا يقل تميزاً عن المسلسل نفسه .. وهو من أعمال الموسيقار التونسي أمين بوحافة .. اسم جديد بالنسبة لنا في مصر بس هيكون له شأن كبير في وقت قصير .. ولسه هنتكلم عليه في تتر تاني في المقال ده.
موسيقى مسلسل جراند أوتيل – رمضان 2016 by kokonash2t
Stream موسيقى مسلسل جراند أوتيل – رمضان 2016 by kokonash2t on desktop and mobile. Play over 320 million tracks for free on SoundCloud.
سقوط حر
مسلسل النجمة نيللي كريم في رمضان 2016 .. واللي بتبهرنا زي كل سنة بأدائها المتميز في فئة “السيكو دراما” .. تتر البداية وتتر النهاية في المسلسل من أحسن التترات اللي سمعتها من فترة في الدراما المصرية .. وهو من أعمال الموسيقار العراقي رعد خلف .. واللي يعتبر اسم جديد علينا في مصر رغم أنه عمل الموسيقى التصويرية لعدد من الأعمال المصرية الناجحة في السينما والتلفزيون زي فيلم “بنتين من مصر” ومسلسل “حرب الجواسيس”.
موسيقي مسلسل سقوط حر للموسيقار رعد خلف – تتر البداية by мαнмσυɔ aɔεʟ
Stream موسيقي مسلسل سقوط حر للموسيقار رعد خلف – تتر البداية by мαнмσυɔ aɔεʟ on desktop and mobile. Play over 320 million tracks for free on SoundCloud.
ونوس
المسلسل اللي عجبني بمجرد أني عرفت فكرته بس وقريت بوستات عنه.. ويكفي أنه بطولة العبقري يحيى الفخراني .. متهيألي تتر المسلسل لوحده كفيل أنه ينجح المسلسل .. التتر من أعمال التونسي المتميز أمين بوحافة واللي اتكلمنا عنه في “جراند أوتيل”
التتر نفسه جميل جداً ومعمول بطريقة ممتازة ومرتبطة بأحداث المسلسل .. بس للأسف مش متاح على النت غير الموسيقى بس.
موسيقى تتر مسلسل ونوس by Michael A. Latef
موسيقى تتر مسلسل ونوس موسيقى امين ابو حافة
الخانكة
نختم بقى بكريمة الكريمة .. التتر الأفضل في رمضان 2016 من وجهة نظري .. غادة عبد الرازق أساساً من أول “مع سبق الإصرار” مبتعملش تتر وحش .. التتر معمول بطريقة حلوة جداً ومتناسقة مع أحداث المسلسل .. والأغنية جميلة جداً .. كلمات الشاعر محمود صلاح وألحان المبدع محمد رحيم .. والأداء المتميز من بوسي في الغناء
