مش بحب أقول البنت “المسترجلة:” لأنه لقب غير منصف وغير حقيقي بالمرة، وعشان كده أنا بفضل أسميها البنت الـDude وهي البنت اللي بتكون عاشرت على مدار حياتها ولاد كتير سواء أخوات أو قرايب أو زمايل أكتر ما عاشرت بنات، وفي المقابل بها ليها بعض طباع الولاد وفي نفس الوقت فاتها كتير عن عالم البنات، لو أنتي بنت Dude هتفهي المشاكل دي جداً، ولو انتي بنت مش Dude لازم تقري عشان تعرفي مشاعر البنت الDude وبتعاني من أيه

 

1- حضرتك انا صديقته مش مشقوطة

0eef51fb0f86c99ad635e8ce0dff86d1_vc.RMuA

من أكتر المشاكل اللي بتواجه البنت اللي من النوع ده أن معظم صحابها ولاد، وطول الوقت رايحة جيا مع ولاد كتير وتلاقيها واخدة عليهم كأنها أخوتها، لكن الصورة الخارجية اللي شايفها المجتمع بيدي إنطباع عنها أنها بنت ملعب وماشية مع ولاد كتير، وفي الحقيقة أن صحابها الولاد دول اساسا بيعملوها على انها واحد صاحبهم

2- انا Dude لو أدلعت أتحرق

2014-635446825631289882-128

طبعاً كل الولاد بيموتوا في البنت اللي بتدلع طول الوقت، وده شيء طبيعي ودي سنة الحياة، لكن البنت الـdude عندها سنة الحياة دي مأساة، هي فعلا مش بتعرف تدلع، الأوبشن ده مش نازل معاها، وممكن تكون جدا جواها مشاعر لطيفة ورومانسية وكل حاجة، لكن حركات الدلع دي هي فاشلة فيها بالمرة.

3- انا معنديش ليسبيان !

hqdefault

البنت الـDude عندها مشكلة حقيقية في التعامل مع المكياج وكل التفاصيل التجميلية، وحقيقي لو قولت لها أسماء المكياج مش هتعرف أيه بيستخدم في ايه وكتر خير الدنيا لو كانت بتعرف تحط كحل، وطبعا هتلاقيها دايما وهي خارجة بتلبس اللبس المريح مش اللبس السيكسي، يعني لا كعب عالي ولا بناطيل ضيقة ولا كل الكلام ده، وعشان كده دايما بتدي إنطباع لبعض الناس أنها ممكن تكون مثلية أو بتحب البنات، أنا اعرف واحد زمان كان بيقول على البنات اللي من النوع ده أن “عندهم ليسبيان”

4- منبوذة طول الوقت

Untitled

من الأزمات اللي بتواجهها البنت الـ dude بردو أنها مش بتحس بالإنتماء لا للولاد ولا للبنات، لأن مهما كان صحابها الولاد بيعزلوها عنهم في تفاصيل معينة، وصحابها البنات هي نفسها مش بتعرف تتجاوب معاهم في تفاصيل كتير بيهتموا بيها زي اللبس والمكياجات ورحلة الكوافير الأسبوعية، وساعات كتير عشان تحاول تحس أنها بتنتمي للبنات بتقعد معاهم وهما بيتكملوا في حاجات كتير هي مش فاهماها بش بتعمل فاهمة خاصة لما يكون الموضوع يخص أنواع الاقمشة أو أسماء تفصيلات الفساتين.

5- أسكت خالص انا صحابي ولاد وبيحكوا لي كل حاجة

D

للأسف البنت الـDude بيكون عندها أزمة أنها ترتبط عادي كده زي باقي البنات، لأنها دخلت كواليس الولاد و عارفة هما بيفكروا أزاي ومعظمهم بيبصوا للبنات أزاي وعشان كده بيكون صعب جداً عليها أنها تثق في ولد، وبيكون صعب جدا على أي ولد أنه يخدعها لأنها عارفة كل الحيل والحركات.