قعدة القهوة بالنسبة لأي ذكر مصري لا تقل أهمية عن الأكل مثلاً .. الاتنين ميعرفش يعيش من غيرهم .. مفيش ذكر مصري تقريباً مش بيحب يقعد في قهوة مع صحابه أو حتى لوحده .. القهوة بالنسبة للشاب المصري بيته التاني وأكتر مكان بيقضي فيه وقت بعد بيته ومكان شغله.
حب الذكر المصري للقهوة من أكتر الحاجات اللي بتثير فضول المرأة المصرية .. دايماً بيستغربوا من ارتباطنا بالقهوة وبيسألولنا أنتو بتعملو إيه فيها .. اللي أغلبهم ميعرفهوش أن القهوة دي المكان الوحيد اللي بنعرف نطلع فيه كل اللي جوانا براحتنا.
وغالباً أي قعدة شباب على قهوة بتدور حوالين كام موضوع كدة مفيش غيرهم .. المواضيع دي هي:
1- الجنس
تقريباً أكتر موضوع بيتكلم فيه الشباب في أي قعدة مش في قعدة القهوة بس .. بما أننا في بلد بتعاني من انعدام الثقافة الجنسية بالتالي الشباب بيحاولوا يثقفوا بعض من خلال بعض النقاشات المثمرة في كل ما هو جديد في عالم الجنس .. ومش بعيد القهوجي وهو بينزل الطلبات يرشق في الحوار ويدلو بدلوه هو كمان.
2- الجن والعفاريت
لازم في أي قعدة شباب على قهوة أو في أي مكان تاني تتفتح سيرة العفاريت والجن والنداهة وقصص مرعبة حصلت لكل واحد في القعدة .. وكله بيترعب في الآخر وبيضطروا يقفلوا السيرة دي.
3- الدين
الجزء المتدين بطبعه لازم يحضر في الشاب المصري وهو قاعد على القهوة مع صحابه وبيبقى مصحوب كدة بموسيقى برنامج الشيخ الشعراوي .. وبتبدأ المناقشة في أمور الدين وإصدار الفتاوى بعد ما كانوا من شوية بيتكلموا في السكس.
4- الكورة
