بيشتهر الانسان المصري الحديث بأنه نادر التعامل مع جنسيات تانية غير المصرية..! ولو حصل فرضا وتفاعل معاهم ف غالبا ما بيكون بقصد التهليب والسرقة والنصب، واسأل خرتية “نزلة السمان”، بما ان في السفر سبع فوايد، ف للتعامل مع “الأجانب” و”الفرنجة” سبعين فايدة، هنحاول النهاردة نقولكم منها أربعة بس، وانتو حاولو تكتشفو الباقي بنفسكم..!
-
جنسية تانية = ثقافة تانية..!
بما ان لكل بلد كتالوج وعادات وتقاليد، ف انتا لما بتتعامل مع أشخاص من جنسيات تانية، وياسلام لو كانو غير عرب، ف انتا كدة بتتعامل مع كتاب مغلق، مطلوب منك انك تكتشف أسراره ومفاتيحه، وتعرف ألغازه وتحلها، التعامل مع الجنسيات التانية بيكون شئ جديد ومثير للحواس في الأول، ف لازم تبدأ بحذر، وبعد كدة الموضوع هيمشي طبيعي وكله هيبقي في السلانكاتيه..!
-
خلي لغتك أقوي..
طبعا الناس دي مش هتتكلم بلغتنا ولا لساننا، ولا حتي لهجتنا، وان كنت تحيا في مجتمع متعدد الثقافات زي الامارات، ف أنت غصب عن عينك هتتكلم انجليزي، حتي وان كان انت والطرف اللي قصادك عرب، لأن ببساطة أكيد فيه طرف تالت غير عربي، وطبعا قلة ذوق انك تتكلم عربي وهو مش فاهم حاجة، ببساطة هيحس انك بتشتمه، الموضوع ده انتا مش هتكون مدرك هيطلق لسانك في اللغة قد ايه، وهتخلص م التأتأة والعنعنة وعقد اللسان، وهتلاقي نفسك بتتكلم من غير ما تحس، انجليزي لا ارادي مع الاعتذار ل Not Courses !
-
الصاحب الأبيض ينفع في اليوم الاسود
بما ان الصديق وقت الضيق، أحب أقولك ان المصريين في الغربة بياكلوا بعضيهم زي حزلقوم ما قال في الفيلم، ف لما يكون لك صديق وياحبذا لو كان أجنبي، والعلاقة بينكم كانت قوية أو وثيقة، ف ده هيفتحلك أبواب كتير جدا، أولهم انك ممكن تسكن وسطهم من غير ما تتطرد، ف علاقتك بحد منهم، كأنها جواز سفر وسط مجتمعاتهم المغلقة، ثانيا ببساطة، هتتعلم منهم كتير خصوصا في الشغل..لأنهم Hard Workers بشكل وحش..!
-
قليلا من المرح..!