في المقالة اللي فاتت، كتبتلكم روشتتي الخاصة لـ “ازاي تكسبي قلب الراجل؟” بطرق سهلة وبسيطة، لو مكنتيش قريتيها ممكن تقراها من هنا.
النهاردة بصفتي بنت، ويهمني مصلحة البنات، قررت أتمم السلسلة دي، عشان كل بنت تعرف شريكها وكل راجل يعرف وببساطة شديدة ازاي يكسب قلب حبيبته، وشريكته، ويخليها تحبه أكتر…، وبردو بكل الحب، بنتكلم عن الحب

 

1. سيبك من “مامتك”

MamasBoy2_1

علاقات كتير باظت بسبب تدخل الأمهات في الموضوع، والموضوع كله بيتحول لجحيم مطبق لو مثلا حضرتك “ابن أمك” أو “وحيد مامتك”، أو انتا اللي علي الحجر بس، الموضوع بيكون انها مرتبطة بيك، وبمامتك، وبصاحباتك البنات، وبصحابك ع القهوة، م الاخر لما بيكون صوتك مش من دماغك، او دايما مشاكلكم مكشوفة للناس، الموضوع دايما بيكون علي كف عفريت، حاول دايما خصوصياتك متتحكيش ومتطلعاش برة، خصوصا لمامتك، لأنك مع الوقت هتنسي المشاكل، والحياة ماشي، لكن مامتك هتفضل شايلاهالها، وهتكرهها بسببك..!

 

2. حسسها بالأمان

c59879e5794aadd58b488ddb19e6ad9e

مش جو محن وفيلم هيبتا خالص، الأمان بالنسبة للست أهم من الأكل والشرب، الأمان بيتخلص في راجل بيحبها وهي بتحبه، بيحسسها دايما انه متمسك بيها ومستعد يضحي عشانها، لو الحاجات دي توفرت لأي بنت بتتحدي العالم كله عشانك، جزء من الأمان ده انها دايما تحس انها ف خططك المستقبلية، ودايما بتفكر فيها زي ما بتفكر ف نفسك..

 

3. متقلبش الترابيزة عليها

download (1)

جزء كبير من المشاكل اللي بين الرجالة والستات في العالم، ان الرجالة أخصائيين في قلب الترابيزة وضرب كرسي في انتا فاكر انك لما تسيب الخناقة وتسيبها هتهدي؟ بالعكس..! الموضوع هيولع أكتر والشيطان هيعمل عليكم حفلة النهاردة..! نصيحتي ليك كواحدة اتخانقت خناقات كتير أوي، انك عمرك ما تسيب الخناقة وتهرب م البيت بحجة انها نكدية والحياة جحيم، كل ما الخناقة طولت كل ما كبرت، أبويا دايما بينصحني بنصيحة انا شايفة انها غالية قالي “لما يبقي ليكي جوز وبيت، متخليش خناقتك تخرج من البيت، وميطلعش عليها شمس”، وهو عنده حق، الخناقة دي زي كورة التلج، كل ما هتتدحرج اكتر الكلوب في أي خناقة، عاشق انه يسيب الخناقة ويمشي، الموضوع ده وااااكل دماغه، وده طبعا غلط..! كل ما هتكبر اكتر..!

 

4. خليك الطرف الأهدي

download

احنا مجانين، كستات فعلا مجانين وبنتعصب بسرعة جدا، وقدرتنا اننا نفضل نتخانق ونصرخ صريخ متواصل لمدد طويلة، ف لو انتا طبعا كنت عصبي وربنا كرمك بواحدة عصبية، مش هقولكم ان حد فيكم هيموت بذبحة صدرية، بس العادي ان الست بتكون عصبية ف الراجل بيحاول يكون أهدي منها، ودي حاجة صح، حاول تهديها بس مش تكون بارد معاها، يعني خليك ذكي، لما تنزل انتا Tone الخناقة الموضوع هيبقي ألطف كتير، وصدقني هي لما هتراجع نفسها هتيجي تعتذر من نفسها وهتغلط روحها بعد كدة..!

 

5. خليك قد كلمتك

hug-couple-love-feelings

معلش احنا عارفين ان “الرجولة” صعبة ، بس أرجوك عزيزي الرجل، لما توعد حبيبتك أو شريكتك بوعد، تخليك قد كلمتك وتنفذه، فكر ف أي كلمة بتقولها وبعد كدة انطقها، متوعدهاش بالجواز وتربطها جنبك خمس سنين بعد كدة تقولها “أنا زهقت، انتي تستاهلي واحد أحسن مني”، متقولهاش “مش هسيبك” وتسيبها، حاجات بسيطة كدة بس لو بتخلف وعودك كل مرة بتعملها بتنزل من نظر “شريكتك” درجة، لحد ما انتا نفسك تبقي تحت الأرض ومش موجود، وقتها مبتبقاش فارق معاها..!

 

المهم عزيزي الرجل، خليك كويس كدة ، احنا مش لعبة وبلاش نعمل فيك زي ما Amy عملت ف Nick ف Gone Girl وانتا فاهم بقي