اغرب

بقلم : حسام أحمد

من يومين صدر حكم للمذيعة الامريكية ارين اندروس بتعويض 55 مليون دولار بعد ما اتصورت فيديو “بدون علمها” عارية وهى فى اوضتها فى فندق فيرمونت المحكمة الزمت الفندق بدفع الملبغ بعد ما اعتبرت ان ده كان بسبب تقصير وتهاون من الفندق, مش هسألك لو اتعرض عليك تتصور فى فيديو و تاخد 55 مليون دولار(نص مليار جنيه تقريبا) تعويض هتعمل ايه لان فيه ناس طالبت بتعويضات على حاجات ابسط من كده بكتير.

 

1-دلقت القهوة على نفسى يا سعادة البية :

 tmg-slideshow_xl

ستيلا ليبيك اشترت قهوتها من ماكدونالدز ,ركبت العربية لبست المطب القهوة اتدلقت عليها وهى سخنة ,قررت تقاضى ماكدونالدز لان القهوة سخنة بزيادة ومش مكتوب تحذير عالكوباية وكسبت القضية وخدت تعويض “2.8 مليون دولار “

 

2-شربت ريدبول ومطلعليش جناحات ! :

 zaki-shan-6-jpg

فى 2014 اترفعت قضية على ريدبول لان واحد شرب ومطلعلوش  جناحات ولا ديل ولا اى حاجة ,اتحكم على ريدبول ب13 مليون دولار تعويضات عن الفترة من 2002 ل 2014 عبارة عن 10 دولار لكل واحد شرب ريدبول ,وعملوا موقع تدخل تسجل اسمك قبل ميعاد معين وتاخد ال10 دولار كاش او ريدبول ببلاش, علشان يبطلوا يسرحوا بالناس 😀

 

3- البنطلون ضاع :

images
النبطلون لا
يرضيك كده بتوع الدراى كلين يضيعولى البنطلون ؟ انا رايح ارفع عليهم قضية
عم بيرسون رفع قضية اتهم المحل بضياع البنطلون والكذب لانهم كانوا معلقين يافطة مكتوب عليها satisfaction guaranteed” ,بيوعدوه انه يطلع مرضى من عندهم وده محصلش وطالب بتعويض 40 مليون دولار “ليه بنطلون ممضى من نابليون :D” بيرسون خسر القضية بس بعد اربع سنين جرى فى المحاكم لان كلنا عارفين ان “المنطلون لأ” .

 

4- محدش قالى انه بيعور :

new_1431103314_743

واحد شغال فى فندق فى بورتلاند, عميل كان عاوز يمشى قاله ليه هى سايبه راح موقعه وواكله شلوتين فى وشه بوظهوله ,المحكمة حكمت عليه بالسجن ,الكاميرا دخلت close على وشه وهو بيتنهد وبيقول “انا لو وقعت مش هقع لوحدى هعترف على كل شركائى” وقام رافع قضية على نايك لانه مكانش يعرف ان الكوتشى اللى لابسه ممكن يعور جامد كده وازاى نايك متكتبش عليه تحذير ممنوع “الضرب عالوش بالشلوت “وطالب بتعويض 60 مليون دولار . “انت جاى تتحبس ولا جاى تهزر”

5-ما انت اللى استفزتنى يا عصام :

3388784746

فى فيلادلفيا بنت قاعده مع صاحبها فى المطعم منعرفش قالها ايه “دى تفاصيل شخصية” رمت المشروب فى وشه وقامت وهو متنرفزه هووب اتزحلقت فى المشروب اللى دلقته وقعت ضهرها اتكسر ,رفعت قضية عالمطعم طالبت بتعويض 113 الف دولار ,وابقوا افرشوا موكيت علشان منتزحلقش .