الإستفزاز هو جزء لا يتجزأ من حياتنا اليومية والحمد لله في حاجات قدرنا نتغلب عليها ومبقتش تستفزنا وفي حاجات للأسف لسه وهتفضل مستفزه مهما حصل..

 

  • الايموشنز دي 

emoj

اكتر إيموجيز مستفزة في الحياة ومالهومش اي 30 لازمة، يعني انت عايز تقولي انك مبسوط ولا زعلان ولا نظامك ايه وكله كوم و ال Thumbs Up ده كوم تاني ببقى نفسي ادخل الشاشة واكسر الصباع ده، يعني ممكن تكون بتتكلم في موضوع مهم وهاري نفسك كلام كلام وفي الآخر حد يبعتلك الصباع المستفز ده، بيبقى نفسك تجيب مسدس 9 مل و تحطه في زورك.

 

  • اللي بيحشر كلمة إنجليزي بين كل كلمة والتانية

373496_354306564587811_677828222_n

شئت أم أبيت احنا عرب وبنتكلم عربي، اما تحشر كلام انجليزي في النص بالذات لما يبان انه محشور مش تبع السياق ده مش هيبينك مثقف أو ابن ناس لأ، هتبان مُدَعى  وعايش دور مش دورك، اه و الله بتبقى مفضوح للدرجة دي، وبتعّرض نفسك انه يتقالك “يابنى عيش عيشة أهلك”.

 

  • المكنسة وانت بتشوف الماتش

pstrubr

ماتش مهم جدا في التلفيزيون وانت قاعد تتفرج فجأة تسمع صوت الوحش صحي ” المكنسه” ومراتك بتنضف في الحالة دي الطلاق مفيهوش مشكله عادي في غيرها كتير يتمنوك

 

  • وحش الكلاكس

wvc psrsprb

ده مش بيشيل ايده من على الكلاكس على الرغم من ان الطريق زحمة ومفيش أي سبيل انك تعديه.
نصيحة: اما تقابل حد كده طلع ايدك من الشباك وخلي اللي جنبك يطلع ايده واعملوا نفسكوا بتطيروا
  • Seen

Seen-facebook

من الحاجات المستفزة لناس كتير ان حد يشوف كلامهم وميرُدش و مارك زاكربيرج دلوقتي بقى بيتفنن انه يوصلك ان اللي قدامك شاف الكلام سواء كان في الفيس بوك او الواتس آب ناقص بس يصورك انك شفت الكلام
نصيحة: انت ممكن تلغي من على الواتس آب خاصية ان حد يشوف انك قريت الكلام وانت برضه مش هتشوف هما قروا ولا لأ و دي قمة ترييح الدماغ
  • المانيكير المتقشر

قمة الأذى والتلوث البصري، ايه يا ماما قطنة وأسيتون وشيلي في ايه…مفيش داعى أبدا اننا نشوف المنظر ده (ومحطناش صورة عشان نفس السبب) .
  • ! و ال Bold

exclamation-001

خناقات كتير جدا قامت بسبب علامة التعجب والكتابة بال Bold ، سواء في إيميلات شغل أو حتى في ال Chat  العادي لأن الناس بتاخدها استهزاء بالكلام مع ان اللي كاتبها ممكن ميبقاش ده قصده

 

  • الخليل كوميدي

pswsys rwtxy

مازال يتربع على عرش الإستفزاز في مصر والسؤال هو بجد عايز مننا ايه؟ وانا من موقعي ده بطلب من كل المذيعين والقنوات اللي استضافته او بتفكر تستضيفه بلاش والله يا جماعه انتوا كده بتشهروا الناس دي وبتفقعوا ….مرارة المصريين (مشيها مرارة)  اللي معهمش فلوس يعملوا عملية المرارة اصلا.

 

  • الأطفال في السينما

ac

انا عارفة انك بنى آدمة ومن حقك تخرجي وانك زهقانة ونفسك تخرجي، بس احنا ذنبنا ايه نفضل ساعتين نسمع عياط طفلك ارجوكي خلي عيالك عند جدتهم او استني الفيلم اما ينزل على الإنترنت واتفرجي عليه وبكره الأولاد هتكبر وتروحي سينما براحتك.

 

  • الضفر الأخير الطويل

psepz pslwyz psfwys

ده مش استفزاز وبس ده قذارة، احنا المفروض نطبق غرامة على كل اللي يعمل الحركة القذرة دي

 

  • اصحاب المشاعر الفياضه على الفيس بوك

superthumb

الجماعة اللي كل حياتهم على الفيس بوك عبارة عن البوستس المسلسلة بتاعت لو بتحبني قولي ده صح وغلط وشيل شعري من على خدي وتلاقيها حاطة قلوب وكومنتات من نوعية   a guy like this والكلام ده عايزة اقولك ان بنات اعدادي المراهقين بطلوا يعملوا شير للحاجات دي والله، كفاية استفزاز و امسكي نفسك شوية.