خلاص عرفنا ان مافيش بنت بتحب تسمع كلمه هنفرح بيكي امتى خاصة لو هى مش مخطوبه ولا مصاحبه ولا بتحب ولا اى حاجه بس في جمل تانيه بتتقال بتضايق اكتر بكتير ..اسمها جمل التصبير عالحال والرخامه في نفس ذات الوقت .

1-  مع إنك حلوة وزى القمر

19517503688692158565

جمله سخيفه مالهاش اى لازمه تحس ان اللي بيقولها بيذلك مش مجرد بيقولك انك حلو ، جمله مايعه كده لا هى طبطبه ولا هى شكر ولا هى اى حاجه جمله مالهاش تصنيف حتى ماتقدرش تقول ان اللى بيقولهالك بيبدى اعجابه حتى .

2-  واللي اتجوزوا خدوا ايه يعنى

maxresdefault

تبقي اللي قدامك متجوزه وعايشه حياة لطيفه نوعا ما واول ما تقعد معاكي وتعرف انك لسه ماتجوزتيش لازم تفضل طول القاعده تحشر جمله وهما الللا اتجوزوا خدوا ايه يعنى كنوع من التأمين عشان ماتتحسدش ، يا ستى وانتى مالك ماتسيبي اللى عايز يتجوز يتجوز واللى لسه ماتجوزش ماتسديش نفسه .

3-  نفسي اشوف عيالك

LtNZgWn

جمله تعجيزيه ورخمه تبقى قاعده وسط صحابك تيجي صاحبه رخمه من اللي اتجوزوا في تاني سنة  ليهم في الجامعه وتقولك يابنتى نفسي اشوف عيالك انتى بتكبرى ولازم تخلفي بسرعه عشان مايبقاش فيه فرق سن كبير بينك وبينهم ، يعنى هى عايزة تنكد عليها فبتفكرها انها لسه ماتجوزتش وبالتالى بتنكد عليها اكتر انها هتخلف كبيره فالسن
ودى نوع من البنى ادمين اللى بيتميزوا بالسخافه والحياه بطولها وعرضها بالنسبه لهم مجرد جواز وخلفه وبس .

4-  انتى مش محتاجه لحد

images

دى بقى نوع من البنات اللي غالبا هتلاقيها اكبر منك في السن وبردوا لسه ماتجوزتش وغالبا علاقاتها العاطفيه دايما فاشله فهتلاقيها في اى خروجه او تجمع بنات بتقولك انتى مش محتاجه لحد ، طول مانتى شغاله وبتصرفي على نفسك وناجحه ما تخليش راجل يتحكم فيكي ، احنا اصلا مش محتاجين لهم في اى حاجه .

5-  اهم حاجه الستر والصحه

يسرية تفتقد لمسات الرومانسية فى أحلى الأوقات

دى جمله ماتطلعش غير من صاحبتكوا الكبيره فالسن اللى عيالها بقوا طولها وحياتها كلها طبيخ وتمارين وعيال فالنادى وزيارات عائليه فهتلاقيها متقمصه دور عمتك اللى انتى مابتحبيهاش بالجمل دى .

6-  ماتزعليش ربنا شايلك الاحسن ربنا مابيعملش حاجه وحشه ابدا

0000000859_syn_1

دى جمله بقى الحقيقه تحمل معاني كتير ، في ناس بتقولها بقصد خبيث قال يعنى ربنا مابيعملش حاجه وحشه عشان انتى تستاهلى .. والقصد التاني سليم اللي هو نصيبك لسه ماجاش يا بنتى بس الاهم ان كلمه ماتزعليش دى بتزعل حقيقي اول ما الواحد بيسمعها حتى لو على موقف تافهه لحد دلوقتى مش قادره اتخيل يعنى ايه حد يبقى زعلان وييجي واحد او واحده يقولك ماتزعليش فخلاص مازعلش يعنى انا مستنيه حد يقولى ماتزعليش عشان اخلاص ومازعلش .
من بين كل الجمل دى اكيد انتى ليكي قاموس فالجمل اللي بتضايقك اكتبولنا في تعليقاتكوا بتضايقوا من انهى جمله فيهم وليه ؟!