SNL

Interviewed by: Amina Moustapha, Alia El Saady, Monica Nagy and Adel Salib 

حالة جديدة تجمع مابين المسرح والبرامج الكوميدي و الاسكتشات المصورة ؛ مبيقلدوش حد وان كان البرنامج نفسه تمصير للفكرة الامريكاني الاشهر علي الاطلاق ولكن نجحوا في 6 حلقات يعملوا حاجة مختلفة والناس كلها بتستناها اسبوعيا . وبتحقق ارقام اكثر من عظيمة علي السوشيال ميديا في الفديوهات القصيرة اللي بتتاخد من البرنامج . يمكن اشهرها اسكتش زيزو اللي حقق تقريبا 15 مليون مشاهدة لحد دلوقتي واكتر . تعالوا نشوف ونتكلم شوية مع ابطال SNLsnlازاي بقيت واحد من مقدمي البرنامج او مين رشحك؟

علوي: دكتور اشرف زكي قابلني في المعهد وقالي انا عايزك تجيبلي ٥ كوميديين لان في ناس جايلني الساعة ٢ الضهر. فـ انا كتبت اسماء ٥ ولاد و ٥ بنات و مكتبتش اسمي و كان منهم سلطان. و علي الساعة ٢ ملاقتش حد منهم، كان سلطان قاعد بياكل جمبري في مطعم جنب المعهد.
سلطان : اصلي متأثر اوي بالجمبري بتاعوه!
علوي : فخرجت برة و جبت لاشرف زكي ناس من اللي قاعدين في الكافتريا. بعدين شركة الكارما بعاتتلتا نيجي نعمل اوديشن. كان لازم بقي نمثل سكتش من تلت سكتشات هما اللي مختارينهم . بس أحنا اصرينا اننا نعمل حاجة من دمغنا، بس هما رفضوا فاحنا اصرينا اكتر.
سلطان : محدش يصر علينا.
علوي : فدخلنا و عملنا حاجة من دمغنا. بعدين قالولنا نيجي تاني عشان الفيديو بتاعنا كسر الدنيا. فروحنا و قابلنا عمرو سلامة، كل واحد دخل لوحده.  وخلوه يمثل و بغني و يرقص، و بعدين قالولنا مبروك.
حازم : كنت عايش في الكويت لحد ما بقي عندي ١٨ سنة و جيت جامعة في مصر. كنت عايز اتجه للتمثيل. فقولت لبابا
اني عايز ادخل فنون مسرحية. و دا بقي كان احلي قلم خدتوا في حياتي و رحت داخل بيزنس علي طول. من حسن حظي ان خالد جلال اللي بتعتبره من احسن مخرجين المسرح في الشرق الاوسط كان بيحضر لمسرحية عندنا اسمها ” هاملت المليون”،  مثلت في المسرحية و اتعرضت في دار الاوبرا المصرية. سارة نوح الكاستيج ديركتور لـ SNL  شافتني في  المسرحية و قالتلي تعالي اعمل كاستيج.
توني: انا كنت ليسنس حقوق و سبت كل حاجة و قلت انا عايز ادرس مسرح، قاعدت فترة لحد ما عرفت ادخل مركز الابداع الفني و درست. و ابتدي يجيليي عروض و اعلانات، بس SNl اول حاجة اشتغل فيها من الحاجات اللي جتلي.
الليثي: انا من وانا صغير حاسس ان انا مش عادي بس مكنتش عارف عايز ايه. انا كنت شاطر و بطلع الاول علي المحافظة ايام  المدرسة، و دخلت كلية هندسة. بعدين قلت خلاص انا عملتلهم اللي هما عايزينه في البيت، دلوقتي بقا اشوف انا عايز ايه. فدخلت مسرح الجامعة و من ساعتها و انا شابط فيها. انا اصلا كنت متابع مركز الابداع الفني من زمان و شايف انه كل الي بيدخله بيبقي حاجة. فاول ما جت الفرصة روحت قدمت، و بعد العرض اللي عملناه جالي بقي كاستيج ف SNL.
12915039_10153396101062353_1534018414_o

هل في فرق بين التمثيل في SNL و التمثيل علي المسرح؟

نانسي: المسرح صعب جدا، لانك بتمثل قدام ناس،  بس في رايي SNL اصعب. لانك في المسرح بتحفظ دورك و عندك فرصة تتمرن كتير. بس في البرنامج عندنا كله بيحصل في يومين بس. المسرحية ممكن تتحضر في سنة، اما احنا فـ بنحضر ٧ اسكتشات في اسبوع.
ليثي: SNL  بيجمع ما بين كذا حاجة، مفهوم الفيلم القصير، و دا بيكون في الديجيتال سكرين. و كمان عنده عوامل مشتركة مع الست كوم، و هي انا تركيزك بيكون مع الكاميرا و حركتك محدودة. و كمان واخد عوامل من المسرح زي حضور الجمهور. SNL توليفة غريبة.

إيه السكتش المفضل ليكوا؟

حازم : بتاعة التاكسي إلي أنا عملتها
نانسي : بتاعة كيم كرداشين!
ليثي و إسلام : بتاعة الكباريه
خالد : سكتش عنتر
شادي: بتاع الفندق مع روبي

لو باسم يوسف رجع، ترجعوا تمثلوا معاه؟

خالد: أكيد يعني لو باسم رجع. باسم في أي وقت في أي مكان، في أي زمان في أي بعد. هو عايز بس واحنا ندوس على طول .
شادي : هو برده قالها من زمان قال حتشوفوا يا ولاد هييجي يوم أنا هتمنع إن أنا أعمل أي حاجة لما تبقوا تشتغلوا تبقى تكلموني . و هو كتب بوست على تويتر جميل الصراحة.12910372_10153396066342353_1941918449_n

أيه مساحة الارتجال في البرنامج؟

نور : الفكرة كلها إن احنا عندنا مساحة الإرتجال في البروفة . ف لو حد عايز يقول حاجة . بنقولها للأستاذ عمرو و هو بيقول “يلا نشوفها ” ف بنقولها واحنا بنعمل البروفة لو حلوة بتثتبت لو وحشة بيقولك لأ .
حازم :  لكن إلي بيألف لايف كده هي فيها مشكلتين:
 1-  إلي بيبقى معاه فالسكتش مبيبقاش عارف ببقى راسم الدور على كلمة تانية خالص وعارف امتي هيرد عليك مينفعش يتفاجئ
 2-  احنا بنصور لايف وبالنسبة للكاميرات بتبقى مصورة أكنها برنامج تلفزيوني وحافظين معانا بنقول ايه وبنسكت امتي ؛ ف لو في أي حد قال حاجة مفاجة ف الكاميرا ممكن متكنش عليك فالكادر ده.
إيه الاسكتش المفضل ليكوا ؟
حازم : سواق التاكسي إلي أنا عملته
نانسي : بتاعة كيم كرداشين!
ليثي و إسلام :  الكباريه مع روبي
خالد : اسكتش عنتر
شادي: بتاع الفندق مع روبي
فريق العمل فعلاً معتقدين إن كل اسكتش فريد من نوعه و مميز و ليه جمهوره ؛ لكن كلهم اجمعوا إن اسكتش زيزو هو أحسن واحد . لإنه وصل لـ 15 مليون مشاهدة. خلي الناس كلها تقف وتسأل “إيه SNL بالعربي ؟”

SNL النسخة الاصلي بيستضيفوا شخصيات سياسية، لو ده ممكن يحصل في النسخة العربي تحب مين يجي؟

شادي : من اصغر حد لاكبر حد! اوباما نفسه جه في SNL النسخة الاصلي. ترامب كمان، حتي هيليري كلنتون لما جت معاهم كانوا بيتريقوا عليها في نفس الحلقة. بس SNL دا حاجة جديدة في الشرق الوسط ، و ناس كتير مش عارفة دا ايه اصلا. المشكلة ان بعض المشاهير لسه بردو مش عارفين البرنامج عبارة عن ايه، فـ دايما بيترددوا لما بنطلب منهم ييجوه. فتخيلوا بقي شخصية سياسية اكيد حتبقي خايفة علي صورتها.

لكن بعد ما خلينا الكاست يعمل تصويت لاختيار شخصية سياسية تيجي تحضر الحلقة، كان في إجماع علي مرتضي منصور و توفيق عكاشة.12919294_10153396066412353_1455876680_n

البرنامج بيتعرض علي قناة osn، اللي ممكن يحد من عدد المشاهدين. هل دا عمل اي اختلاف في مدي انتشار البرنامج؟ وليه اتباعتوا الاستراتيجية ديه؟ هل معتمدين علي فكرة ان البرنامج حيتعرض بعدين cbc؟

خالد:  osn قناة كبيرة بتعرض برامج و مسلسلات ضخمة ف انا شايف ان دي حاجة لصالح البرنامج بتاعنا. و نوعية البرنامج بتاعنا محتاجة لانتاج ضخم و دا سبب تاني يخلي osn  الاختيار الصح. هما اللي اشتروا فكرة البرنامج اولا فـ لازم يبقي ليهم اولوية العرض قبل القنوات التانية.
إسلام: الممنوع مرغوب، فكرة انه مش كل الناس تعرف تتفرج علي الحلقات الا من خلال التسريبات اللي بتنزل علي الانترنت، اضاف للبرنامج نجاح و خلي الناس متحمسيين انهم يشوفوا الحلقات علي cbc. بس اكيد احنا متحمسيين
نشوف رد فعل الناس لمل يتعرض لباقي الجمهور.

مين اكتر حد مضحك من فريق العمل ورا لكاميرا؟

طوني : في الاودشنز و هما بيخترونا كانوا بيتعمدو انهم يختاروا ناس مختلفة عن  بعضها. بالرغم من ان كلنا كومديين، فكل واحد فينا مختلف عن التاني. مثلا الليثي من غير حتي ما يتكلم، عنده حركات بيموتنا من الضحك. اما انا فبحب يبقي تعبيراتي جد و انا بهزر
نانسي (مقاطعة): و بردوا بيموتنا من الضحك.
طوني: فصعب اوي نقول مين اكتر حد بيضحك عشان الضحك دة شغلنا كلنا.
ليثي: خلينا متفقين ان الي معاه الأيفيه الحلو هو اكتر حد بيضحك. بس بعيدا عن الكاميرا اللي كل واحد ليه الحته بتاعته. اسلام  بيموتنا من الضحك اما بيغير صوته لصوت واحده ست، ضحكة سلطان،  شعر نانسي، علوي و هو دايما محسسنا اننا دخلين خناقة.
 لكننا ما سبناش الكاست يهرب من الاجابة علي السؤال ده، و عملنا تصويت عشان نحدد مين اكتر حد فيهم مضحك. تقريبا كل الاسماء اتقالت بس في النهاية اكتر شخص جاله تصويت كان احمد سلطان.12922366_10153396066392353_1549096107_o

خالد و شادي: هل بتتدخلوا في ترشيحات الفنانين إلي بيظهروا في البرنامج؟

 خالد: نوعية البرامج دي مفهاش  واحد أو اتنين . النجم هو الفريق. ف كل واحد شغلانته فالمكان إلي هو شغال في والترشيحات كلنا ديمقراطيين فيها . لإن فالأول و الأخر الحاجات دي اذواق. بيبقى كله قاعد مع بعضه . الفريق كله هو بيشارك لأنه بيبقى أحسن بكتير.

اكتر افهات من البرنامج بتضحكك؟

حازم: اي حد بيعمل كاركتر في البرنامج بيفضل معلق معاه حاجة معينة منه. يعني مثلا يارا بسبب كاركتير الجدة في سكتش زيزو علق معانا ايفيه ” غني يا حبيبي” و بقينا نقولها علي طول. و بردو كركاتر سواق التاكسي علق معانا.
علوي: “عوروه يا علوي” دي مسكنهالي في الكواليس.
سلطان: شخصية عادل امام علقت معايا اوي.

الحوار معاهم كان اطول من كده ويمكن اظرف انترفيو عملته Identity . لكن احنا حابين تشوفهم هما شخصيا وتشوفوا البرنامج علي OSN ياهلا كل سبت الساعة 7 مساء ولو حابب تروح تحضر العروض بتاعتهم اشترك هنا