كلنا عارفين طبعاً إن الأبراج بتأثر بشكل كبير جداً في تحديد الملامح الأساسية للشخصيات، ومن خلالها بنقدر بكون صورة مبدئية لشخصية وطباع كل واحد فينا، اللي أكيد بتختلف من شخص للتاني، لكن بيفضل في الأخر في سمات أساسية مشتركة بين مواليد كل برج، وزي ما اتكلمنا قبل كدة عن الأبراج الأكثر جاذبية، هنتكلم انهاردة عن الأبراج الأكثر أنوثة، فهل برجك واحد منهم؟

المرأة الميزان

download

مولودة برج الميزان بتتميز عن غيرها من النساء بأنوثتها واهتمامها الشديد بنفسها، وده لانها أصلاً شخصية بتعشق الجمال وبتقدره، وعشان كدة دايماً هتلاقيها واخدة بالها جداً من شكلها ولبسها وبتعرف إزاي تختار اللي يليق عليها ويبين أنوثتها.

المرأة العقرب

scorpio-2

ثقة امرأة برج العقرب في نفسها بتبان في كل تصرفاتها، وده بيتعكس على كل اللي بيقرب منها وبيتعامل معاها، وعشان كدة نساء البرج ده بيعتبروا من أوائل قائمة النساء الأكثر أنوثة وجمال، ده غير طبعاً حساسيتها الشديدة واحساسها المرهف اللي بيميزوها عن غيرها.

المرأة الثور

Capture

ابتسامة أمرأة برج الثور هي سر أنوثتها وجاذبيتها، ده غير روحها الحلوة اللي بتخليها “جميلة” بكل معنى الكلمة، اما بالنسبة لستايلها، فالمرأة الثور بتهتم جداً بالموضة وبتحب تتابع أشهر الماركات العالمية، وبتعرف إزاي تختار منها اللي يناسبها ويناسب شخصيتها.

المرأة الحوت

images

المرأة الحوت تعتبر شخصية رقيقة، ناعمة وكلها أنوثة، بتهتم بأناقتها وبتجذب عيون ليها، ده غير قدرتها على اختيار الملابس اللي بتناسب شخصيتها وبتزيد من أنوثتها حتى لو مكانتش بتختار من ماركات معروفة أو غالية، لكنها بتعرف إزاي توظفها بالشكل المناسب والعصري.

المرأة السرطان

1

وأخيراً بقى تيجي المرأة السرطان، واللي أنوثتها ليها طابع مختلف تماماً عن باقي القائمة، وده لإن انوثتها بتتمثل في احساسها اللي بيعتبره كتير من الرجالة أقصى درجات الأنوثة، وسحرها اللي بيخليهم يتمنوا يقربوا منها ويرتبطوا بيها، من الأخر يعني جمالها وجاذبيتها جايين من جوة مش من برة.
وفي الأخر بقى احب اقولكوا ان كل واحدة فينا عندها اللي بيميزها عن غيرها، ومش معنى إن الـ5 أبراج دول هما الأكثر أنوثة إن نساء باقي الأبراج مفهومش أنوثة، لكن طبعاً النسبة بتختلف، ولو برجك مكانش ليه حظ في نسبة كبيرة من الأنوثة، تقدري باهتمامك بنفسك وبروحك الحلوة تزوديها..