بقلم : شيماء احمد
لو حظك اللطيف خلاكى تسكنى فى بيت أهل جوزك لازم تستعدى كويس من أول لحظة وتذكرى دايما ان الانطباعات الأولى فى الحالة ديه هى اللى هيترتب عليها شكل حياتك وهيتبنى عليها كل اللى جاى. فلازم تدخلي عليهم الدخلة الصح.. وتتهيأي نفسياً وتستعدي للكثير والكثير من المغامرات
مفيش حاجة هترضيهم
أكيد أول حاجة هتجربيها انك تعملى أكل حلو وتقديمه لأهل جوزك وانتى مستنية رد فعل يبسطك انسى ده تماما ده هيتقال انك مبذرة جدا وبدل ماتوفر وتحوش لجوزها اللى لسه بيبتدى حياته بضيع فلوسه فى الأكل,طب جربى انك تنقضى هيتقال انك بخيلة ,عديتى عليهم وانتى خارجة ديه بتغظنا عشان خارجة معدتيش يبقى وحشه وبتخبى عليهم وهكذا هتعملى أى حاجة هتطلع غلط فالأفضل انك تطولى بالك وتعملى اللى انتى عايزاه وبس وبدون انتظار أى شئ.
لا تباااالي
مجرد ماتفتحى بقك بأى كلمه دي بتكون فرصه عظيمة للنميمة بعد لما تمشى ولو سكتى برضه هتكون فرصه جيدة للتخمينات وانعاش الخيال شكلها زعلانة ومقموصه منا لأ ديه شكلها متخانقة مع جوزها ومنكده عليه ,بصوا لابسه أيه ديه أمبارح كانت فى كارفور وطالعة ب300شنطة تقريبا اشتريت نص كارفور …..لاتبااااالى وماتحوليش انك تدافعي عن نفسك اساسا لأن مفيش حاجة هتقنعهم.. وخلي ردودك عليهم مبهمة لما تيجي سيرة حاجة زي كده.
المخابرات العامة الاغريقية
هنا بقى لوقررتى انك تصاحبي اي حد من الاسرة لقدر الله تبدء الشكوك حواليكم انكم عملتم حزب وبتتفقوا عليهم والمراقبة تشتغل والمسلسلات التركى تتحول لواقع أليم فريحي نفسك وخليكي مع نفسك وبس .
نروح فين
بما انكوا فى بيت واحد فالخصوصية معدومة تماما أى حد يدخل عندك فى اى وقت اى خناقة البيت كله يعرف, ده غير الأطفال اللى طالعين نازلين داخلين وفكرنها لعبة على مدار الأربعة وعشرين ساعة وديه مالهاش حل غير انك تفصلى الجرس وتقفلى الشبابيك وتنامى أو تعزلى .
ماتبقيش سهلة
