الأسطورة بتقول إن أنجح بيزنس فى مصر هو تجارة العقارات والأراضى من الأخر لو معاك قرشين وسألت أهل الثقة أعمل إيه بالفلوس اللى معايا هيقولولك شوف حتة أرض تسقعها ولو الفلوس دى مش كتير قوى يبقى شوفلك شقة ولو الفلوس مش كتير أصلا يبقى مقدم شقة.. الكلام ده حقيقى ومش حقيقى فى نفس الوقت .. حقيقى لأن فعلا تجارة العقارات والأراضى مكسبها مهول أسعارهم عمرها ما بتنزل .. ومش حقيقى لأنه مرتبط بإمتلاكك لمبلغ محترم من البداية وحتى فى حالة وجود الفلوس فهي بتتجمد فى العقار أو الأرض وبالتالى أنت بتنتظر المكسب بعد سنين لكن مفيش مكسب فعلى فى الوقت الحالى ومفيش سيولة ..أخر 5 6 سنين فى مصر كتير من الناس إتمردت على الفكرة دى وظهر نوع جديد من البيزنس رأس ماله صفر أو مبالغ محدودة وحققوا مكاسب كبيرة.كل البيزنس ده مبنى على إستعمال الإنترنت بشكل مختلف.

الMobile Apps  والonline services

mobile-apps

من الحاجات القليلة اللى قلدنا فيها بره وفلحنا إننا نعمل بيزنس مبنى على فكرة الموقع أو التطبيق الخدمى موضوع مش هيكلفك أكتر من حاجتين فكرة صايعة وجديدة لحاجة الناس محتاجينها .. App developer صايع ينفذ الفكرة وتديله مرتب محترم عشان ده اللى هيعملك السبوبة.أنجح الحاجات اللى بدأت كده فى مصر bey2olak, Otlob, edfa3ly وغيرهم كتير كل اللى بيميزهم إنهم فهموا إحتياجات السوق كويس وعملوا تطبيقات بشكل يحبب الناس فيها.

الsocial media

images

مؤخرا مصر طفحت شركات سوشيال ميديا وما بين النصابين والكويسين والناجحين والفاشلين سوق كبير وكل واحد وشطارته سبب إنتشار البيزنس ده حاجتين أولا السوشيال ميديا بقت أقرب وسيلة توصل بيها منتجك للناس وبالتالى الدعايا عليها أهم من معظم القنوات التانية للدعايا .. السبب التانى البيزنس ده مش محتاج رأس مال كبير (على الأقل فى البداية) ممكن تبدأه بأوظة نوم و2 3 صحابك بيعرفوا يفكروا ويطلعوا أفكار تتباع.

ال YouTube shows

sub-youtube-channel

النوع ده إنحسر فى مصر عن الأول ولو إن بدايته كانت مبشرة فى ناس عملت فلوس حلوة منه برضه وده لأن موقع يوتيوب بيدى صاحب القناة عليه .فلوس نظير عدد المشاهدات على كل فيديو بس بشرط تكون الفيديوهات بتحقق أرقام كبيرة تتعدى الألاف ويكون واحد فيهم على الأقل تخطى المليون.

ال online stores and facebook selling

images (1)

زى كل الأنواع التانية مبنى على الإنتشار على الإنترنت ناس كتير بقت بتجيب بضائع وبدل ما يبيعها من محل ويدفع مبالغ مهولة على إيجار وكهربا  إلخ إلخ .. يعمل online store  يصور البضايع اللى عنده ويبيعها بأسعار رخيصة لأنها بتكلفة أقل وإن كان النوع ده عليه مشاكل فى مدى قانونيته لكن محدش يقدر ينكر إنه منتشر فى كل حاجة دلوقتى وربنا يخليلنا الصين.
فى أنواع كتير تانية من البيزنس نجحت وأشخاص حولوا نفسهم لبيزنس مصورين ومنظمين وفنانين بيبنوا إنتشارهم وشغلهم عن طريق الإنترنت وبرضه كل واحد وشطارته.. الأكيد إن فى أفكار كتيير ممكن تتطبق وتحقق مكاسب والأكيد برضه إن الخلل بتاع إزمة الإسكان الطاحنة فى مصر رغم إن فى عقارات موجودة تكفى ضعف عدد المطلوب وضع هيؤدى فى دهية فالعقارات مش هى الحل للأبد.