مفيش شك في إن كل حاجة بتعجبك وبتختاريها بتبقى شبهك وبتعبر عن شخصيتك وذوقك الخاص، سواء كانت ألوان أو أماكن أو ملابس، وبما إننا في الصيف، والصيف يعني مايوه، احب اقولك إن موقع “shefinds” ذكر في إحدى موضوعاته الخاصة بتحليل الشخصيات إن شكل “البيكينى” بتاع كل بنت بيعكس شخصيتها، لو مش عارفة إزاى تعالي وإحنا هنقولك.
1- على شكل مثلث – “Triangle“
أنت واحدة بتحب البساطة وبتعرف إزاى تستمتع بوقتها، عادة بتقضي يومك على الشاطئ ما بين لعب الكرة الطايرة أو السباحة وركوب الأمواج، ده غير إنك مليانة حيوية وطاقة إيجابية وده بيخليكي عمرك ما تقولي لأ او تعترضى على أي حاجة فيها انساط وخروج وتنطيت.
2- من غير حمالات – “Bandeau“
انت شخصية بتحب النظام، وعشان كدة بتكره تلبس “بيكينى” بحمالات عشان تمنع ظهور علامات “التان” اللي بتبان على جسمها وبتضايقها، ده غير إن أى حاجة بتبوظ خلال اليوم، بتكون واحدة من اولوياتك هي إنك تصلحيها، لكن خلي بالك لأن افورتك دي ممكن تضايق اللي حواليكي.
3- توب عالي – “Halter“
لو كنتي بتفضلي الشكل ده من “البيكينى” فا انت اكيد واحدة البنات الي اكتافهم عريضة أو مليانة شوية، لكن ده ميمنعش ابدا انت شخصية قوية وواثقة جداً في نفسها، مبتسمحش لحد يحبطها أو يقف فى طريقها، ده غير انك شخصية مخلصة، بتحبي أصحابك وبتدافعي عنهم ولا اكنهم من بقية عيلتك.
4- بحاملات – “Bustier“
على الرغم من إنك مش من الشخصيات اللي ممكن تجيب “بيكينى” غالي أو ماركة معروفة، إلا إنك بتعرفي كويس قوي إيه اللي يناسبك ويناسب شكل جسمك وبتابعي دايما احدث خطوط وصيحات الموضة ومش بتخافى تجربي أي حاجة جديدة، وعشان كدة كل حاجة بتلبسيها بتكون حلوة عليكي.