كتابة: ندى عرفة
“الألبوم نزل”
“لا والله لسه، بس فيه 3 سطور كده جداد سمعتهم في حفلة وهـــــــــم”..
ده تقريبا ملخص كلامنا الكام شهر اللي فاتوا بعد ما بدأنا نستسلم إن الألبوم هينزلنا كده “فرط” زي السجاير لحد ما يجمعوه ويبلوا ريقنا بيه.
لو ليك بقى صحاب بيستنوا الألبوم بتاع كل سنة ولا نتيجة الثانوية وبيكونوا أول ناس يسمعوهولك،
دول هتلاقيهم اليومين دول عايشين كأنهم في السوق السودا، يا قاعد بيسرق Story صاحبه اللي فيها عمرو دياب بيغني حاجة جديدة، يا بيرهن موبايله علشان يدخل حفلة private يسمع كام جملة يكمل بيهم باقي أغاني الإعلانات..
طيب وبعدين؟ يا ترى ليه عمرو إتأخرعلينا، هل هددوه، هل أغروه!
عاماً عمرو غيرلنا حاجات كتير السنة دي مش بس معاد ألبومه، أهمها الـ 5 حاجات دي:
حبينا برج الحوت أوي
برج الحوت مش عاملين مشاكل وفي حالهم وبالتالي مكناش بنسمع عنهم في المصايب علشان هما طيبين، خيالين وحسهم مرهف،
لحد ما نزلت أغنية “يا أجمل عيون” في الألبوم اللي فات ومن ساعتها وإحنا بندور على برج الحوت في حياتنا.
اليونان حلوة
بعد صور حفلات و”غير حفلات” عمرو دياب في اليونان، نص Couples مصر قرروا يروحوا هناك في الـHoneymoon وبدأنا نلاحظ نزوح المواطنين لـGreece وشواطئها، لو مش مصدق راقب إنستجرام وهتلاقيه قرب يفرقع من الـcheck in هناك.
صورني كده وأنا وردة
بعد صور دينا الشربيني جوا الزرع في اليونان، بدأنا نحب الموضوع ومش بس كده، ده أنت ممكن تبقى معدي من جنب أي نبات خلقة ربنا حتى لو في شارع فيصل تلاقي واحدة مكدرة صاحبتها وراشقة نفسها جوا فرع شجرة وبتتصور زيها.
الرزق المتأخر رزق
من أهم الدروس المستفادة السنة دي إن التقل مش صانعة ولا حاجة يا حبيبتشي، كله بالحنية بيفوك، إتقل تاخد حاجة نضيفة، وAge is just a number.
نستناه برضو!
وأهم حاجة إننا إتعلمنا الصبر…
بس كده..
وياريت كفاية كده…
الألبوم وحياة عيالك نفسنا نفرح!
