ست
الستات أو البنات المستقلين أو الأقويا ماتولدوش لقوا نفسهم كده، اه واللهِ.. كانوا بيلعبوا بالباربي عادي وكانوا بيتأثروا أما الأميربيبوس الأميرة وكان نفسهم يعيشوا في Fairy Tale  لكن يشاء القدر ان هي بتتكعبل في حد يغير حاجات كتير في شخصيتها ويخلي أولوياتها تتغير. وعلى فكره مش لازم تكون قصة حب فاشلة اللي غيّرتها، أبوها او امها او صحابها  ممكن يكسروها وممكن مواقف تانية كتير تخلي البنت تفكيرها يتغير، الفكرة بقى ان البنت او الست مهما كانت قوية في حاجات كتير اوي نفسها تفهموها :

 

  • الحضن بيفرق معايا

hug

انا شايلة احمال و هموم الدنيا كلها فوق دماغي وفي اوقات ببقى مش عايزة اي حاجة غير حضن وهدوء عشان اقدر اكمل رحلتي بتاعة كل يوم.
  • نفسي احكي لحد مشاكلي وامشي ومشوفوش تاني

upby pvry svx tcprsy wptcy wtcwpwc spuy

مش عايزة حد يحكم عليا ويقولي انتي صح وانتي غلط انا نفسي حد يسمعني ويسيبني اتكلم واعيط وامشي ومشوفوش تاني، هحس اني فضيت جزء من اللي انا شايلاه واقدر أستحمل الشيلة اللى أنا شايلاهاويمكن اكتر منها.
  • عايزة اتدلع

c5a8d81bee1b8aac08150c7664bb1a56_123520034_147

نفسي في يوم من غير مسئولية ومن غير مشاكل، اصحى الاقي حد بيأكلني، حد بياخد باله من صيانة عربيتي، حد ميقوليش عايزة تروحي فين؟ يوديني على طول! انا زهقت من كتر القرارات اللي باخدها ونفسي ارجع تاني مشيلش مسؤولية ولو ليوم واحد، نفسي حد ياخد باله مني.
  • بخاف اموت لوحدي

wpypr tu qrzr

خلينا متفقين ان الرجالة الشرقيين بيكرهوا الستات القوية او المستقلة وبيشوفوا فيها تهديد لمكانتهم كرجالة فالست القوية مش سهل ترتبط فطول الوقت عندها خوف من الوحدة، فدايما تلاقيها مرتبطة بولاد اختها او في بيجيبوا حيوانات أليفة لمجرد خوفهم من الوحدة.
  • انا أضعف مما تتخيلوا

bolbol-hayran

انا قوية اه بس لسه عندي احساس وبتضايق مش ببين اه، بس قبل مانام وانا بفكر في يومي بفتكر الموقف ده وممكن اعيط، بس هاجي عادي تاني يوم ومش هتاخد بالك و دي الأزمة انكم عمركم ما هتفكروا اننا بنضايق وبنتبسط وبنزعل.
  • خايفة من بكرة اكتر منكم كلكم

5659f4d18ca42

بخاف بكرة ياخد مني حد بحبه، ياخد شغلي، صحتي او اي حاجة قيمة مني و كمان انا طول الوقت حاسة ان وقتي بيجري و انا مش عارفة اوصل للي انا عايزاه وكتير مش ببقى واثقة انا صح ولا غلط.
  • خليكوا معايا

480d8937-7bac-45a6-bcd8-f3ea64b8ee5f

مهما كانت بتحب حد مش هتوقفة لو حاول يبعد بس من جواها نفسها تمسك فيه بايديها وسنانها وتقوله متسبنيش…. لو اتعاملت مع الست او البنت القوية وانت حاطت في اعتبارك انها انثى قبل اي حاجة هتتصد مرة واتنين وتلاتة عشان هي عندها Security issues  بنت لذينة، بس لو عرفت فعلا توصلها هتكتشف ان تحت كل القوة دي في كائن ضعيف نفسه الناس تحس بيه ده غير انها هتكون اجدع حد انت عرفته في حياتك.