“عايز ة ورد يا إبراهيم”  الجملة الأكثر  شهرة وإنتشار على مواقع التواصل الإجتماعي، واللي بعقبرية هند صبري في دور يسرية قدرت توصل احتياج الستات  للورد هو مكناش قصدها الورد قد الإهتمام والرومانسية اللي مفروض موجودين  في الحياة الزوجية الطبيعية بين أي إتنين بينهم عشرة وعيال ونفس الكلام ممكن نطبقه على أي كوبل في علاقة مع بعض.
والأغنية الأشهر  لنانسي عجرم ” في حاجات ” اللي وضحت الستات محتاجة ايه بالظبط وبتقول فيها ” مقدرش اقولك غير كل طريقة حبك ليا،  او غير عليا ولا فاجئني في مرة وهاتلي هدية، واملى عنيا واعمل حاجة انا مش عارفاها”، فالستات محتاجة غير  الورد

 

اتكلم معاها

اتكلم معاها

الستات عايزة الرجل يتكلم معها، مش مشغول عنها سواء شغل طول الوقت او ماسك الموبايل وبيكلم اصحابه او  بيلعب جرب تتكلم معاها وتتناقش معها عن أحوالها وازاي لسه مستحملك لحد دلوقتي.

 

ساعدها

ساعدها

الست هتحب انك تساعدها في شغل البيت، أكتر من تجيب بوكيه الورد الجميل، يعني خفف عنها حمل المسئولية، بإنك متطلبش منها حاجات كتير، وتقوم تعمل الحاجة بنفسك، ساعدها في شغلها، في شراء حاجات البيت، في شيل الحاجات التقيلة عليها، حاول تقوم بدور الجنية الطيبة.

 

احضنها

الحضن

 أهم حاجة بالنسبة لأي ست في الدنيا هو الحضن، الحضن بيشيل المسافات ما بينكم، وبيخلي نسبة الخلافات قليلة، وده أكتر طريقة تقدر تعبر بها لأي شخص قد ايه انت بتحبه ومحتاجاه في حياتك.

 

حضر لها مفأجاة

وش

حاول تظبط لها خروجة مع  أصحابكوا اللي لو في اصحاب مشتركين،  او ترتب لها مفأجاة مع أصحابها، خرجها في أماكن رومانسية بعيدا عن الأماكن اللي فيها دوشة،  خرجها في أول مكان خرجتوا فيها مع بعض، هتفرق معها أكتر من الورد والشكولاته

 

اهتمام

اهتمام

قولها انها حلوة، إمسك إيديها، حسسها انك واخد بالك من التفاصيل، افتكر اول معاد ما بينكوا، أحكي لها عن أول مرة شوفتها فيها، أسمعها وهي بتحكي وإهتم بلاش تمسك الموبايل وانتو لوحدكوا.

 

اتفرجوا على فيلم

اتفرجوا

المقصود انك تعملوا حاجة مع بعض، يعني اتفرجوا على فيلم سوا، اسمعوا نفس الأغنية،  تتمشوا مع بعض، تتعلموا حاجة سوا، تجربوا حاجة لأول مرة س

 

تفتكروا لو الموضوع بالعكس …الولاد ايه هيفرق معاهم غير الكباب اللي بيحبوا ابراهيم