الإنترنت بقى عالم كامل موازي للعالم الحقيقي اللي بنعيشه، ليه قوانينه الخاصة واللي ممكن تتعارض مع قوانين الحياة الواقعية في كتير من الأوقات، وكمان بقى ليه لغته الخاصة ومصطلحاته المميزة.
أثناء تجولنا في مواقع الإنترنت المختلفة، سواء مواقع التواصل الاجتماعي أو غيرها، بنقابل مصطلحات كتير، في منها مصطلحات مشهورة ومعروفة للكل تقريباً زي الـ Friendzone و Thug Life، وفي مصطلحات تانية ممكن يكون كتير مننا ميعرفهاش أو بيشوفها وميعرفش معناها .. عشان كدة جمعتلكم مجموعة من أشهر مصطلحات الإنترنت عشان نشرح معناها من منظور مصري أصيل.
يللا نبدأ الدرس يابو صلاح

Friendzone .. أنت تستاهل حد أحسن مني

Untitled-1
وده أشهر مصطلح على الإنترنت بين الشباب .. معناه الحرفي “منطقة الصداقة” ودي أسوأ منطقة ممكن حد يتحط فيها .. والمقصود منه أن لما يكون في طرف عنده مشاعر حب ناحية حد تاني .. بس الحد التاني ده يقوله خلينا أصحاب أحسن.
BAE ) Before Anyone Else) صاحبي وحبيبي وكفاءة
سعيد-صالح-وعادل-إمام-فى-فيلم-«سلام-ياصاحبى»
الـ BAE أو الـ Before Anyone Else  وأحياناً بنقصد بيها كلمة Babe .. معناه الحرفي “قبل أي حد” .. وده بيطلق على أكتر حد بتحبه أو مقرب منك واللي دايماً بتعتبره في مقدمة أولوياتك .. سواء كان الحد ده جوزك/مراتك/أخوك/أختك/أمك/أبوك/صاحبك  .. بس هي غالباً بتستخدم بين الكابلز.

Thug Life  هتعورني هعورك

54b219a72e290
مصطلح يعود الفضل في ظهوره لأسطورة الراب المرحوم توباك .. وهو اختصار لجملة ” The Hate yoU Give Little Infants Fu*** Everyone” .. وده معناه بالبلدي كدة أنك شبح ومش بيهمك حد وبتحط على أي حد .. مع أن شكلك ممكن ميديش على كدة.

Facepalm .. الكيلو 270 يا ناس

11
Facepalm  معناه الحرفي أنك بتغطي وشك بإيدك كتعبير عن الانهيار التام بسبب غباء الشخص اللي قدامك .. بنستخدم المصطلح ده كتعبير عن رد فعلنا ناحية سؤال غبي أو جملة غبية أو تصرف أحمق من شخص أحمق.

SWAG .. يو يو يو

ahmed-meky
وده بيعبر عن لايف ستايل شخص معين .. غالباً بيبقى بيحب الراب وستايل البنطلونات الواسعة الساقطة والتي شيرتات الطويلة والكابات  الsnapback.

Yolo .. عايش ولا على بالك

Untitled
وده اختصار لجملة ” You Only Live Once ” .. يعني أنت بتعيش مرة واحدة بس .. وغالباً المصطلح ده بيستخدم كمبرر أنك تعيش حياتك مقضيها وخاربها وضميرك مات من 3 سنين.
ده كان الجزء الأول من أشهر مصطلحات الإنترنت وشرح معانيها .. انتظرونا في الجزء التاني قريباً وحصرياً.