الاعتقاد السائد عند معظم البشر وخاصة المصريين انه لا يوجد احسن واطعم من اكل بلدهم اللي اتعودوا عليه طول حياتهم, لحد ما يخرج الانسان من القوقعة ويزور بلاد تانية او يقابل مواطنين من بلاد تانية ويكتشف ان لكل بلد طعم مختلف وطريقة اخري لتدليع الكرش ومن هنا ظهر مصطلح ” سياحة الطعام “
دول اهم مدن لو ربنا كرمك لازم تزورهم عشان الاكل واشياء اخري:
نيو اورليانز
من الاماكن المعدودة في العالم اللي بتقدم حساء السلاحف البحرية اللذيذ ومن اشهر الاكلات اللي لازم تجربها حاجه اسمها “جامبو” وده عباره عن لحمه او فراخ او سمك معموله في شوربة كده بس سميكة شوية بسبب بامية او دقيق او باشاميل “متسالش ازاي هي بتتعمل كده ”
لو في مرة زرت نيو اورليانز متنساش كمان تجرب “الجمبلايا” اللي هتلاقيها مختلفة عن الجمبلايا بتاعة اسبانيا
بوينيس اريس
عاصمة الارجنتين والمدينة الاكثر ” اوروبية ” في العالم الجديد مش بس في التصميم المعماري لكن كمان في الطهي والمطاعم
ماينفعش تروح بوينيس اريس ومتجربش ال Steak الارجنتيني الشهير .. واضح ان البقر عندهم متغذي كويس و بيعملوا الستيك بلمحة ايطالية كده
بعد الSteak هتحلي بقي ” دولسي لا ليتشي ” او كما يسموه العامة ” منجار ”
وده عبارة عن كراميل معمول باللبن وبيتحط علي كيك او بان كيك او حتي تاكله علي عيش حاف هيبقي زي الفل
اسطنبول
اكبر مدن تركيا والمكان اللي بيربط بين الشرق والغرب في مزيج عجيب من خلال ثقافة السكان وشكل المدينة واحيانا الاكل
في اسطنبول الاكل شبه مصر شوية في الاسماء والمكونات لكن اكيد الطعم بيفرق, عربيات الشاورما منتشرة في كل مكان زي عربيات الكبدة عندنا كده, بس الشاورما هناك متوصي بيها ومليانة اضافات من بطاطس او مخللات ( شبه الشاورما السوري كده )
متساش تحلي بعد الشاورما بالTurkish Delight اللي هو الملبن يعني عشان بما انك في تركيا بلد الملبن يعني
او بدل الملبن تحلي باشهر حلو في تركيا كلها ال” كازاندي باي” وده عبارة عن مهلبية بالفراخ وعليها طبقة من القرفة علي الوش .. الوصف ممكن يبقي مش مغري جدا بس لما تاكله مش هتقدر تبطله
Follow Identity Magazine on Instagram
Like Identity Magazine’s page on Facebook
طوكيو
اليوم بيبدا من قبل الفجر في سوق سمك ” تسوكيجي ” في العاصمة طوكيو, كل يوم بيتباع سمك وماكولات بحرية في السوق ده باكثر من 5 مليون جنيه استرليني
في اليابان عادي جدا انك تفطر سوشي الصبح .. لو زرت اليابان مفيش اي مانع انك تفطر سوشي وتتغدي سوشي وتتعشي سوشي كمان
ولو قلبك ميت ممكن تجرب اكلة ال”ياناجيداكو” ودي يا سيدي عبارة عن اخطبوط صغير كده بتاكله علي بق واحد 😀
روما
بيتزا باستا ريزوتو لاساجنيا وتحلي بجيلاتو .. عشان لازم تدي العيش لخبازة!
باريس
مدينة النور وبلد الباجيت, في باريس متاكلش عيش عادي ولا توست كل باجيت وبس
باريس وحدها فيها 27 مطعم عندهم 3 نجوم ميشلان من اصل 54 مطعم 3 نجوم ميشلان حول العالم كله فاعمل حسابك انك هتدفع دم قلبك
متنساش تجرب البط بالبرتقان وتحلي باكليرز او ماكارون
ممكن تعرف ايه هو تصنيف ميشلان من هنا
القاهرة
ونيلها وطول ليلها وعكاويها وكوارعها وملوخيتها وكشريها والمحمر والمشمر والحمام المحشي وام علي والرز بلبن .. غنية عن التعريف يعني