صديقتي وزميلتي “سارة أحمد” نشرت قبل سابق مقال لطيف جدا اسمه “الجحيم اسمه كول سنتر” ممكن تقراه من هنا ، وانا ليا مثال سابق بعنوان “قواعد الكول سنتر الأربعون” ، ممكن تقراها من بروفايلي من هنا.
المهم، ايمانا مني بمبدأ “حق الرد” وبما اني شغالة في كول سنترز من سنة 2013 لحد دلوقتي، خبرة داخلة علي أربع سنين، والحقيقة مش ناوية أعمل Shifting  ولا أغير كاريري لأني مرتاحة معاه جدا، فقررت أكتب مقالة أدافع فيها عن “الكول سنترز” كبيئة مميزة للعمل. دايما بانصح أي حد في الحياة انه يبدأ حياته العملية في كول سنترز، ليه؟ هتعرفو معايا حالا في الفقرات اللي جاية، ابقو معنا وما..تيجي نشوف؟

 

  • الايتيكيت

BWI9gAACcAAbCNi

أول فايدة من فوايد انك تشتغل Agent  في أي كول سنتر حتي ولو كان بتاع “جاد” هي انك بتتعلم الايتيكيت، الايتيكيت وكلمة “لو سمحت” و  “من فضلك” و”شكرا” بتكون سمة أساسية في تعاملك مع أي حد، ناهيك علي انها حاجة لازم تكون موجودة في كل البشر، لكن عندك ومع الشغل الكتير بتزيد، ومع الوقت بتلاقي نفسك بقيت مستمع جيد، وبتعرف تحكم ع الأمور بسرعة وبدقة، كل دي فايدة من فوايد الكول سنتر الكبيرة.
التريقة علي طريقة كلامنا عامة مش حاجة حلوة، احنا ملوك التحكم في Tone  الصوت، وملوك الاقناع، بنقدر نعمل كل اللي احنا عاوزينه عن طريق تغيير Tone و Pitch  الصوت، وبشوية ايتيكيت بتبقي عمدة زمانك!
    • النظام والدقة

تاني فايدة من انك تشتغل ك”كول سنتر” هي انك بتتربي علي النظام، ثقافة الايميلات، عاوز من مديرك حاجة تبعتله ميل، عاوز تلبس حد حاجة ابعت ميل وهكذا، هتلاقي نفسك مع الوقت بقيت منظم، وبترتب انتا عاوز ايه، بتشوف احتياجاتك ايه وبتعملها ف To-do List  عظيمة.
الدقة بردو بتكون سيدة الموقف، ف مع الوقت، بتلاقي نفسك بتعبر عن مشاعرك بأقل عدد ممكن من الكلمات، بتعرف تكثف المعني وتوضحه، مثال علي كلامي  لما مثلا بتكلم “كول سنتر” حتي لو سبت الشغل بتلاقي نفسك بتوصفله الموقف بأقل عدد من الكلمات، مثلا:
“الشبكة عندي واقعة، عملت HLU  وغيرت الموبايل والمكان، ممكن تعملي Request  عشان تشوف المشكلة منين؟”
والHLU  لمن لا يعلم هي Hard Location Update  حاجة زي الريفريش كدة بتتعمل ف الشبكة.
  • التغيير علمنا كتير

mqdefault

بما ان الكول سنترز هي أسرع حاجة بتتغير بعد البورصة في مصر، ف طبيعي تكون قاعد ف يوم وتلقي كل الInformation  بتاعتك اتغيرت، ولا يهمك ف أي حاجة، انتا بردو هتتأقلم وهتسد وهتفهم كل حاجة.
ف الموضوع بيخيلك مع الوقت  Adaptive  بشكل رهيب، ممكن تتكيف مع الظروف الوحشة، وتحسنها، بتخليك Hard Worker بشكل تحسد عليه، بتطلع من مدرسة الكول سنترز تفوت ف الحديد زي ما بيقولو.
  • العلاقات عزيزي آرثر

LGB6W7s

بما ان حضرتك راجل متكلم وشغيل وكدة، ممكن تلضم مع أي حد عن أي موضوع، وسهل جدا توسع شبكة علاقاتك بطريقتك اللبقة والجميلة، وده يقدر يفتحلك شغل كتير ف أي مجال انتا اخترته غير الكول سنترز، بتعرف تأدي ف أي انترفيو، وتسيب انطباع كويس قدام الانترفيور بتاعك، بتعرف تسيطر علي الNew Comers  وتخليهم يحبوك، وانتا شغال كول سنتر عامة، الفرصة قصادك تعمل شبكة علاقاتك محصلتش لو بس أطلقت العنان لقدراتك الكامنة، واللي هنتكلم عنها الفقرة الجاية..!
  • اكتشف نفسك

images

طبيعة شغل الكول سنتر انك بتشتغل 8، أو 9 ساعات وبعد كدة بتروح البيت، ممكن يكون عندك ساعة أو اتنين فاضيين، وقدراتك الي جواك وانتا متعرفهاش، ممكن مديرك يكتشفها، انتا ممكن تكتشفها بنفسك، انا مثلا اكتشفت ان انا مخلوقة أتكلم وأكتب وأقعد مع الناس ع السماعة، برغم الألم الي بتسيببها ف ودنك، إلا انك في النهاية بتحس انك حبيت الشغلانة بشكل أو بآخر.
ناس تانية اكتشفت طرق تحسن بيها الشغل، وطلعت واتعرفت بيها، ناس تانية طلعت م الكول سنتر ع التريننج كارير، ناس تالتة اكتشفت انها متعرفش تشتغل كول سنتر، ف قصرت علي نفسها السكة وطلعت لمجال تاني وهكذا.