البنات عندها مبدأ مهم وهو إن الراجل كائن خائن بطبعه،ok مش ها نناقش النظرية دي دلوقتي و هانفترض صحتها، لكن إنتي إزاى تعرفي إن الراجل اللي معاكي عطاط ولعوب ومقطع السمكة وديلها، ولان الراجل كائن حويط بطبعه وبيحاول دايما يخبي أموره فخليكي معانا علشان نعرف العلامات المهمة اللى ممكن تدلنا على الجريمة.

 

الدبلة

9998305981

أولا لو الراجل متجوز او خاطب وعطاط في نفس اللحظة، فهو طول الوقت مفيش دبلة في إيديه، الدبلة دليل مادي على خيانته للبنت اللى بيعط معاها او بيلعب بيها فدايما هاتلاقي صباعة خاوي على عروشه و هاتلاقي حجج كتير اهمها، ” أصل الدبلة بتضايقني، أصلها ضيقة، أصلها مش لايقة على صباعي” وخدي من ده كتير بقى.

 

الموبايل

hqdefault

الراجل العطاط طول الوقت بيولي إهتمام لموبايله واهتمام مبالغ فيه، وصدقيني لان الراجل حويط صعب تقفشي حاجة على موبايله أصلا بالعكس هاتلاقي موبايله زي قلب طفل بريء من اللى بنسمع عنهم دول، بس ده مش معناه انه بريء، لا ده معناه إن الراجل ده حويط وبيضيع من عمره كتير في مسح الرسايل وفلترة المكالمات و مسح الانبوكسات والواتس اب وغيره علشان يخش عليكي وهو واثق الخطوة يمشي ملكا، لما يكون الموبايل نضيف اوي كدة طبقى قاعدة أخواتنا في الـ f.b.i الأدلة الكاملة هي أدلة مزيفة.

 

الوقت

1000_mabrouk_movie_poster_by_ahmedhamaki-d4qq40a

الراجل العطاط دايما في وقت في يومه أو اسبوعة مجهول الهوية، يعني يختفي في يوم عدد ساعات أكتر من المتوقع من غير ما تعرفي هو فين ولا بيعمل ايه، ولو سألتيه مفيش أكتر من اصحابه الرجالة اللي يغطوا عليه، فركزي شوية في موضوع الوقت ده لانه مهم وفضاح، الوقت هو المدخل الأساسي اللى ممكن تقفشيه منه لانه مهما عمل مش ها يقدر يستفه صح.

 

البرفان

canvas

سيبك من جو ماري منيب في إنك تقعدي تشمي هدومه ده مش ها تلاقي حاجة يا خايبة، الراجل صايع بطبعه فهتلاقي على طول معاه ازاة البرفان في شنطته في عربيته، عمرك ما هتشمي من الراجل العطاط ريحة مش لطيفة او ريحة حريمي على طول برفانه هايكون مغطي على اي حاجة تانية حتى ريحة الاكل فالبيت.

 

الحنية

canvas (1)

الراجل العطاط بيكون شخص حنين، مش علشان ده طبعه لا سمح الله ولكن علشان هو عنده شعور بالذنب بيخليه يركز في انه يعوضه بالحنية المفرطه عليكي، ودي أول علامات القلق، لو كنتي مرتبطة مخطوبة متجوزة لراجل وقلب حنين ورومانسي وشاعري ولطيف مرة واحدة، اوعي تفتكري إن دعوة الست الوالدة اتحققت وانه ربنا هداه بالعكس ده مؤشر خطر جدا محتاج إنك تسخري كل اسلحتك في الكشف عن اسباب الحنية المفاجأة دي.