الخيانة هي الكابوس اللي بيخوف أى واحدة فينا، فبمجرد ما بتشتغل حاستها السادسة وبيبدأ الشك يدخل قلبها، مفيش قوة على الأرض هتقدر تسيطر على تصرفاتها وشكها وغيرتها المجنونة، ومن هنا بتبدأ تنهار العلاقة لحد لما بتدمر تماماً.
وعلى الرغم من إن الراجل خاين بطبعه، إلا إن احياناً ممكن تكوني إنتي سبب الخيانة بتصرفاتك وطباعك، وعشان كدة قررنا انهاردة نقولك على الأسباب اللي ممكن تخلي حبيبك يخونك حسب برجك عشان تتفاديها وتقدري تحافظي عليه.

برج الحمل

انتي شخصية قاسية ومتسلطة، وده ممكن يخلي حبيبك يروح يدور على الحنية في مكان تاني مع واحدة غيرك.

برج الثور

الراجل بيحب اللي تسمع كلامه، وانتي شخصية عنيدة ورأيها من دماغها، وعشان كدة حبيبك ممكن جداً يخونك مع أو واحدة تريحه.

برج الجوزاء

تناقدك ومودك اللي بيتقلب كل دقيقة مش بس هيزهق حبيبك، ده يزهق أي حد، ولو ملقاش الاستقرار في علاقته بيكي هيدور عليه في علاقة تانية.

برج السرطان

حساسيتكِ الشديدة وزعلك طول الوقت من ابسط الحاجات هيخليه مضطر طول الوقت يصالح فيكي ويحايلك، وده هيخلق عنده حالة من الملل تخليه يدور على علاقة تانية بسيطة مفهاش تعقيدات.

برج الأسد

 شخصيتك المسيطرة متنفعش مع الرجالة، حبيبك لو حس إن مش هو المتحكم في العلاقة وإنه مالوش كلمة عليكي، هيشوف واحدة تانية غيرك تحسسه برجولته.

برج العذراء

أنتِ عملية أكتر من اللازم وعلطول مشغولة، وده هيخلي حبيبك يحس إنك مش مهتمة بيه وبتفاصيل حياته وعشان كدة هيدور على واحدة تانية “تقدره”.

برج الميزان

على الرغم من إنك شخصية مميزة إلا إنك روتينية شوية ومش بتحبي التجديد والمغامرة، والأسباب دي ساعات بتكون سبب كافي للخيانة عند الراجل.

برج العقرب

غيرتكِ الزيادة وشكك المستمر في جميع تصرفات حبيبك وعدم ثقتك فيه، ممكن جدا يخلوه فعلا يخون حتى لو مكانش ناوي!

برج القوس

طريقة تفكيرك وتعاملكِ مع الأمور بسطحية وعدم إحساسك بالمسئولية اسباب كافية تخلي أي راجل يهرب منك أو حتى يخونك.

برج الجدي

الضغط النفسي اللي بتعيشي حبيبك فيه بشكل مستمر هو أهم وأقوى سبب ممكن يخليه يدور على الراحلة بعيد عنك.

برج الدلو

مشاعرك الباردة وعدم قدرك على تدليل حبيبك والتعبير عن مشاعرك تجاهه هيخلوه يخونك مع أول كلمة حلوة يسمعها.

برج الحوت

عالم الخيال اللي انتي عايشة فيه ده مش بيأكل عيش، والمشاكل مش هتتحل بهروبك منها، ولو فضلتي كدة هتتفاجئي بحبيبك بيخونك مع واحدة تشاركه الواقع اللي بيعيشه.

 

فالنهاية مش كل الكلام ممكن ينطبق علي كل الناس بس في صفات عامة ممكن نعرفها بسهولة والاهم من كده ان ده لا ينفي ان في رجالة كتير بتخون بشكل طبيعي مش لازم يكون عيب فيكي