دايما الرجالة بتستخدم كلمة “الستات نكدية” عشان تخرج من اي علاقة او تفسر سبب ان العلاقة انتهت من غير يفكر ده اول سبب بيجي في دماغهم، كل ده بالنسبة مش مستفز او غريب، بس الأغرب بالنسبة لي كبنت ان اسمع تقول اننا فعلا نكديين وبنحب نكد.
مبدائيًا..أول حقيقة لازم نعرفها كبنات إن الستات عندهم حس الفكاهة و الفرفشة أكتر بكتير من الرجالة، والباحثين في جامعة ستانفورد لقوا أن النساء عندهم حس الفكاهة أعلي بنسبة 50% من الرجال، وده من خلال اختبار للرجالة والنساء عن طريق رسوم مضحكة لاختبار ردة فعلهم مع مراقبة أدمغتهم بالتصوير بالرنين المغناطيسي، وكانت النتيجة إنّ النساء استجابوا أسرع بالضحك والسعادة بينما جاءت ردة فعل الرجل أقل نشاط وأبطء في التعبير، وفي شوية حاجات بتأكد ان الستات مش نكدية
الهرمونات
أولا حاجة بتأثر فينا، هي الهرمونات ودي حاجة طبيعية مبنقدرش نتحكم فيها، اي ست كل شهر بتتعرض للكأبه والحزن غير المبرر، بسبب زيادة أو نقص هرمونات معينة في جسمها.
الإهمال
الست بتحب الرجل اللي يهتم بيها، يحسسها انه جنبها وتحكي له كل مشاكلها وتفرغ الشحنة اللي عندها ، رغبتها في الحكي واحساسها لما بتقع في مشكلة كإنها غرقانة في شبر مية، بيخليها تقعد تتكلم كتير عن الحاجة اللي مضايقاها، وقصاد كده بتبقى مستنية من الراجل اللي معها إنه يسمعها ويطبطب عليها ، والمشكلة بتحصل لما يقرر مايسمعهاش ويكبر دماغه.
فقدان الأمان
“السند” الحاجة اللي اي بنت بتكون محتاجها من الراجل اللي معها، فلما بنفقد الإحساس بالسند والأمان بنكون موجوعين وده بينعكس على تصرفاتنا وعلاقتنا
التركيز مع التفاصيل
التركيز مع التفاصيل الصغيرة بيزوّد معدل الخناقات والمشاكل، والتركيز بيجي من الفراغ عشان كده مهم إن كل واحدة تحاول تشغل نفسها بحاجات بتحبها ومتخليش حبيبها هو المحور الوحيد لحياتها عشان ميجيش في الآخر يزهق ويقول عليها نكدية
الرجالة هي النكدية
لما حضرتك تعقد تتريق وتسخر من قرارتها وأرائها وشكلها، وتقولها “شوفي الستات او اتفرجي على الستات عاملين ازاي” طب المفروض انها تسكت ومطلعش خنقها عليك، مفروض ان تعدي الإهانة بتاعك عشان تبقي ست فرفوشة وتعجبك.
