ليلة الوقفة الليلة التى تسبق العيد التى تتميز طوال الوقت بطقوس خاصة عند المصريين و لكن الشباب المصري له طقوس خاصة جداً فى هذة الليلة و تجد كل شلة تستعد و تخطط لهذة الليلة من قبلها بوقت كبير و تختلف الخطط من شله لأخرى ولكنها لا تخرج عن ال 5 سيناريوهات الأتية .
1 – وقفة الضرب المبرح
أغلب الشباب المصري يخطط لوقفة ضرب مبرح تحتوي على كل ما تشتهي النفوس من درينكات و مخدرات و مواصلة الضرب المبرح حتى الصباح وبما أن كل أماكن السهر تكون مغلقة يوم الوقفة فيكون التجمع فى منزل أحد أفراد الشلة .
2 – الوقفة الرياضية
كثير من الشباب المصري أصبح يهتم بالرياضة و هذة النوعية من الشباب تكون الوقفة بالنسبة أليهم فى صالات الجيم أو تجتمع الشلة للعب كرة القدم فى أحد الملاعب و التنافس مع شلل آخرى و الشلل اللى ملهاش فى المجهود بتقضيها بلاي ستيشن
3 – الوقفة الأنثوية
بعض الشلل الوقفه بالنسبه أليهم لا تعتبر وقفه إلا بوجود الجانب الأنثوي و مش عاوزين نفسر أكتر من كدا !
4 – وقفة القهوة
الشلل اللي ملهاش فى الثلاثة حوارات اللي فاتت يبقى خطتهم القهوة أو الكافية و أكله حلوة و تبادل الأحاديث مع دخان الشيشة و القعده دي غالباً بتخلص سريع سريع !
5 – الوقفة الجدعه
الوقفة دي بقى لما يكون الشاب ملوش مزاج ينزل أو عنده مشاكل مع الشله بيقعد فى البيت و يعمل مشرف على عمليات تنظيف المنزل اللي بتكون قبل العيد كما لو انه بيستجدع يعني بس بيكون مهروش !
