لما البنت بتتعلق بولد وتعجب بيه وتبدأ تحبه، بيبقى صعب عليها أنها تعرف حجم حبه ليها، وهل هو بيحبها قد ما هي بتحبه ولا لا. وكل ما العلاقة مدتها بتطول، كل ما الموضوع بيبقى أصعب، وبيبقى صعب أنها تفرق ما بين المشاكل اللي بتحصل في أي علاقة حتى لو ناجحة، وما بين أن هذا الشاب “الألعوبان” بيحاول “يخلع”! عشان كدة جبت لكم هنا 7 علامات بتدل على أن الولد “بينفضلك” وفي طريقه إلى “الخلعان” .. وبالتالي قدامك فرصة أنك تواجهيه وتتناقشي معاه عشان تعرفوا مصير علاقتكم إيه!

 

1- بيتجنبك

Untitled-1

قرار الانفصال وإنهاء العلاقة قرار صعب، ومعظم الشباب بيتجنب أنه يصارح البنت بحقيقة مشاعره ورغبته في إنهاء العلاقة، عشان كدة بيلجأ للتجنب والتجاهل كطريقة بديلة أسهل.
لو لقيتي أنه فجأة بيلغي حاجات كنتم متفقين عليها، مش بيرد على تليفوناتك ورسايلك، أو بيتكلم في حاجة تانية لما تتناقشوا في حاجة مهمة متعلقة بعلاقتكم، ده معناه أنه بيحاول يخلع بس بيجبهالك بشياكة!

 

2- مش بيتكلم في مستقبلكم مع بعض

11

أي اتنين مرتبطين بيقضوا وقت طويل في التخطيط لمستقبلهم مع بعض .. الجواز ومصاريفه، العيال، الشقة، وخطط السفر مع بعض .. فجأة هتلاقيه مش بيتكلم في المواضيع دي تماماً ولو موضوع منها اتفتح هيحاول يغيره فوراً.

 

3- صحابه أولاً

f02d150136417b64b15a27b324f36da7_123550804_127

هيبدأ “ينفضلك” ويخلي صحابه أولوية في حياته. أينعم كل واحد محتاج مساحته الخاصة وأنه يقضي وقت مع صحابه، لكن لما يبدأ يقضي كل وقته مع صحابه يبقى كدة في مشكلة!

 

4- بيخبي أسراره

hqdefault

وده معناه أنه مش مأمنك على أسراره ومفيش حد بيرتبط بحد مش واثق فيه. لو شفتيه “بيقلب” في تليفونه في الخباثة أو بيقفل الفيسبوك أول ما تشوفيه أو مش بيعرفك هو بيعمل إيه في حياته .. يبقى الواد ده بيعمل الدنيئة معاكي!

 

5- كل شوية يهددك أنه هيسيبك

1

لو بدأ يهددك كل شوية أنه هيسيبك، سواء بجد أو بهزار، ده ممكن يكون بسبب أنه بيفكر في الموضوع وأنه في دماغه فعلاً. لو بدأ يتلكك ويضغط عليكي بتهديده أنه هيسيبك، اقلبي عليه الترابيزة!

 

6- خناقات كتير الفترة الجاية

b1c07f818767efab9925161292301a9a_123457111_147

أي اتنين مرتبطين بيتجادلوا ويتخانقوا عادي .. بس لما تبقى الخناقة بسبب تافه أو مش مستاهل .. يبقى ده دليل على أنه عايز يكبر الموضوع عشان يخلع منك!

 

7- مش بيقدرك

احلى الاوقات 5

مش بيقولك كلام حلو يحسسك بقيمتك عنده، ولا بيشكرك لو عملتيله حاجة طلبها منك .. يبقى هو بيحاول ميكسرش نفسه قدامك “من وجهة نظره” عشان ضميره ميأنبهوش لما يسيبك!