بقلم : نسمة فرج
الفريندزون المنطقة اللي تم ترويج لها على أنها أسوأ المناطق اللي ممكن أن يوقع فيها أي Coupleوفي حد فيهم عند مشاعر لتاني ، وبالتأكيد لا يوجد أسوأ من يضع من تحبه فى خانة الأصدقاء، ولكن مش هي دي الحقيقة الكاملة، فكتير العديد من المناطق تعد أسوأ من “الفريندزون” بمراحل.
“زي أختي”
لو قالك انتي “زي أختي” إنفدى بجلدك احسن لك الولاد بيستخدموا الجملة دي عشان يحفظ علاقتكوا كأصحاب وأخوات وحاولي تتعاملي انه زي أخوك لانك لو استمرتي فيها وانتي بتحيبها استهلاك مشاعر على الفاضي وتضييع وقت.
“أعز الناس”
انتي من “أعز الناس” المنطقة اللي احتار في تفسيرها الأطباء والمهندسين والدكاترة النفسيين والمحامين، المنطقة مش واضحة إطلاقا تجمع بين الصداقة والإخوة يعني كلمة دي ممكن تتقال من أول رابطة الدم لرابطة المصلحة من أول الأب لحد سواق التاكسي اللي بيوصلني من غير ما يلعب في العداد.
“بين البينين”
أنغام في أغنيتها “بين البنين” بتقول ” وبتعدي السنين وانا بين البينين .. لا انا قريبة ولا بعيدة ولا نهاري باينله عنين” ودي أسوأ المناطق على الاطلاق ولازم تنقذي نفسك منها وبسرعة لانه غالبا شخص بيكون خايف من الإلتزام عايزاكي تبقى معه وفي نفس الوقت من غير ما يلتزم معكي حتي بكلمة بتكون متعلقة ولا عارفة رأسك من رجلك لا انتو اصحاب ولا مرتبطين وممكن تفضلوا سنين كده
“بشوف فيكي ماما”
“بشوف فيكي ماما” المنطقة دي تم استحداثها مؤخرا و غالبا اللي بيقوله حد ناقصه حنان واهتمام الأم لازم تبعدي عنه لانه هيتعبك جدا هيبقى محتاجة اهتمام وعاطفة لأقصي درجة ممكن زيك زي مامته تبقى ليه هيرفض يبقي في كيان تاني تبقى انتي مهتمة بيه وبتراعيه
“مستهلك المشاعر”
لو كنت في المنطقة مش هقولك انفدي بجلدك ولا انسحبي احسن، بس دي من أكثر المناطق رعب في أي علاقة ان الطرف التاني بيستنفذ كل حاجة فيك اهتمام وحب ومستغل ده لمصلحته وبس.
“اهواك بلا أمل”
يرتبط اثنان بعلاقة فيها منتظرين الموت بالمعني الحرفي، الطرفان خايفين من الإلتزام وخايفين من خسارة الحب أو الزواج أو العلاقات الجنسية، بيحبوا بعض وخلاص.