لو انت زهقت من جوازتك وندمان وعايز ترجع تاني للحرية دي Tips  بسيطه هتكره مراتك فيك، اما بقى لو انت بتحب مراتك فخلي بالك ومتعملش الحاجات دي

 

  • اقلع الدبلة

stuck-ring

من الحاجات اللي طول الوقت هتخلي مراتك شاكه فيك “تلاقيك قالع الدبله وداير على حل شعرك” هو اه على فكره البنت اول مابتشوف راجل بتبص في ايده عشان تحدد طريقة تعاملها معاه، لقيته مش لابس دبله هتحطه في قائمة ال Potentials لاقيت دبله هتحطه في ال Friend Zone بس برضه ممكن تديله جزء Potential  لو غني و ممكن يتجوز اتنين

 

  • انتقدها طول الوقت

1352111185.74

و ابعد عن النقد البناء، اهدمها طول الوقت حاسسها انها مش بتعرف تطبخ، الكليه اللي دخلتها ملهاش لازمه، شغلها ده اي حد ممكن يعمله…اطفيها. الستات مبتحبش الراجل اللي بيطفيها فهتلاقيها طفشت

 

  • بص على البنات وانت معاها

34

مفيش اي حاجة ممكن تجنن بنت او ست زي انك تكون ماشي معاها وبتبص على ستات تانيه لأ ولو عايز تدبحها بقى ميل عليها وقولها شايفه الستات؟ احتمال اصلا متروحش معاك اليوم ده وتطلعوا من بره بره على المأذون
  • متساعدهاش في البيت

image012gw

متشلش الطبق وراك بعد الأكل، كُل برتقال ومترميش القشر في الزبالة، انت راجل والرجالة مبتساعدش في البيت، هتلاقيها قلبت ناشطة نسوية وهتقولك فين حقوق المرأه والكلام ده و دي فرصتك الدهبية انك ترمي اليمين
  • انشغل عن كلامها

11970335-wife-screaming-at-busy-husband

خليها بتتكلم على حاجة مهمة وفي نص الكلام قاطعها واتكلم في حاجة تانية هتلاقي عفاريت الدنيا والآخره لبستها وهتتحول عليك تقوم انت مديها بالقلم على وشها هتقفش وتورح لأمها
  • قولها لأ على كل حاجة

download

كلمة لأ عمال على بطال من الحاجات اللي بتخنق الست وبتكرهها في عيشتها، عايزه اشتغل، لأ…عايزة اخرج ،لأ….عايزه اموت،لأ…..عايزه اتطلق، انت طالق!
  • ماتخدش بالك من الفستان الجديد

forgetting birthday

الست ممكن تفضل 6 ساعات تدور على فستان تشتريه وبعد كده 3 تدور على اكسسوارات واما تيجي تلبسه هتفضل مثلا 4 ساعات بتلبس عشان الميكب والشعر، تيجي انت بقى بكل بساطة اما تلاقيها جهزت تقولها يلا بينا؟ وتقوم تتحرك ناحية الباب ممكن تديك فرصة تانية وتقولك مش واخد بالك من حاجة؟ تقولها يا نهار ابيض نسيت اخد الباور بانك معايا! الست هتتجنن واحتمال تتحجز في مستشفى المجانين.
  • انسى كل المناسبات

45862_Crop

عيد ميلادها، عيد جوازكم، عيد ميلاد مامتها، عيد الحب، عيد الأم كل الأعياد دي انساها بس اوعى تنسى عيد ميلاد ميسي مثلا او كيم كاردشيان