زي ما غالبًا معظمنا عارف -حتى لو مبنتفرجش- إمبارح كان معاد الحلقة التانية من مسلسل جيم أوف ثرونز الجزء الأخير. وطبعًا لأن جمهور المسلسل ده كبير جدًا، أول ما أي حلقة بتنزل السوشيال ميديا بتغرق بكلام عنها وتفاصيلها وأحداثها.
بس المرة دي حاجة واحدة هي اللي فانز كتير أوي -من كل حتة في العالم- بيتكلموا عليها ومتضايقين أوي، وهي آريا ستارك، بشكل أخص الsex scene بتاع آريا ستارك مع جينداري. (مع أن ده جيم أوف ثرونز يعني مش هانا مونتانا).
مين آريا ستارك؟
للي شاف البوستات والتويتات والهلع اللي عند الناس بخصوص الموضوع ده وميعرفش مين آريا ستارك دي أساسًا، آريا ستارك هي واحدة من الشخصيات الرئيسية في جيم أوف ثرونز من أول جزء في 2011. في بداية المسلسل آريا كان عندها 11 سنة، وكبرت على مدار ال8 السنين اللي المسلسل اتعرض فيهم وتحولت من طفلة لمحاربة في أكتر عيلة أو هاوس محبوب في المسلسل (هاوس ستارك) فمعظم اللي بيتابع المسلسل متعلق بيها وبيعتبرها طفلة المسلسل مع أنها كبرت عادي.
ردود أفعال الناس
زي ما قلنا الحلقة اللي فاتت كان فيها sex scene بين آريا وجيندري (اللي هي مرتبطة بيه حاليًا في المسلسل). ومع أن الحلقة كان فيها أحداث وتفاصيل كتير مبهرة وتستحق أننا نتكلم ونعلق عليها، الناس كانت مركزة ومصدومة من حاجة واحدة بس؛ الsex scene.
🥷🏿🔴🥷🏿 🇸🇴 on Twitter: “Me seeing Arya and still think she is the same child as season 1 #gameofthrones #AryaStark pic.twitter.com/IbgOIscomt / Twitter”
Me seeing Arya and still think she is the same child as season 1 #gameofthrones #AryaStark pic.twitter.com/IbgOIscomt
خلف الشمري. on Twitter: “انتم شفتوا الي انا شفته 😔♥️♥️♥️♥️♥️♥️#اريا_ستارك pic.twitter.com/6IhWZnrE6n / Twitter”
انتم شفتوا الي انا شفته 😔♥️♥️♥️♥️♥️♥️#اريا_ستارك pic.twitter.com/6IhWZnrE6n
الموضوع وصل لأن البحث عن عمر مايسي ويليامز من أكتر الحاجات اللي عليها search في جوجل.
https://twitter.com/Gorgeous_ew/status/1120370338804785152
الأكتر من كدة، لأن الحلقة إتسربت قبل معادها، HBO نفسهم نزلوا تويتة بيشرحوا فيها الWesteros المفروض في سن ال18 بيكون طبيعي عملو ايه تلميح منهم عن مشهد آريا وردود أفعال الناس بخصوصه.
HBO on Twitter: “By age 18 in Westeros you should have:- Had a pet.- Moved out on your own.- Travelled extensively.- Had a kill list.- Pretended to be the opposite sex to evade capture.- Been blind for a while.- Ticked at least three people off of your kill list. / Twitter”
By age 18 in Westeros you should have:- Had a pet.- Moved out on your own.- Travelled extensively.- Had a kill list.- Pretended to be the opposite sex to evade capture.- Been blind for a while.- Ticked at least three people off of your kill list.
ليه الناس قافشة أنها عملت sex scene؟
– الناس شايفة أن دي حاجة غير مقبولة وكأنه sex مع أطفال عشان زي ما قلنا آريا ستارك في بداية المسلسل كان عندها 11 سنة والناس بتتابعها من وهي طفلة فعلًا فلسه معتبرينها طفلة. مع أن في المسلسل، آريا بقى عندها 18 سنة، وفي الحقيقة مايسي ويليامز (الممثلة اللي بتلعب دور آريا) عندها 22 سنة. يعني مش بس مش طفلة دي حتى مش مراهقة.
– على مدار ال8 أجزاء بتوع المسلسل، آريا كانت على طول بتتعامل مع فكرة الإرتباط والجنس كأنها حاجات مستحيل تهتم بيها فلما ده حصل فجأة الناس إستغربت وحست أن ده حاجة غريبة على الشخصية. (وده يمكن السبب الوحيد المقبول دراميًا مع أن الشخصيات بتتطور عادي والإهتمامات بتختلف.)
– السبب التالت بقى والغير مقنع بردو خالص هو أن عشان مايسي ويليامز شكلها صغير baby face يعني وكدة، الناس مش قادرين يتقبلوها في السياق ده.
ليه الموضوع بردو غير مقنع خالص؟
عشان ببساطة شديدة زي ما قولنا ده جيم أوف ثرونز مش هانا مونتانا! ده مسلسل فيه قتل، ودبح، وتمثيل بجثث، وإغتصاب، وعلاقات جنسية بين قرايب وأخوات، وعري بشكل دوري، وجواز قصر، وبيع بني آدمين وحاجات مبتديش إيحاء خالص بأنه مسلسل عائلي ولا مسلسل أطفال مثلًا. وكل اللي بيتابعوا عارفين ده.
يبقى فين الغريب أن بطلة من الأبطال يبقى عندها مشهد زي ده وبموافقتها؟
سبب تاني يدل أن الناس بتأفور هو أن آريا بقالها أكتر من سيزون خارجة من نطاق الطفلة ده لأنها مرت بتجارب كتير أوي مؤلمة على مدار أحداث المسلسل خلت شخصيتها تتغير بشكل جذري بدليل وبقت من أهم المحاربين في المسلسل وبتدبح وتقتل في الناس عادي محدش إعترض، ليه ده مبوظش “صورة الطفلة آريا” في عينينا؟
ومات الممثلون جميعًا
المهم أن في الآخر كل ده مش مهم عشان اللي متابع جيم أوف ثرونز كويس وركز في الحلقة اللي فاتت هيعرف أن كلهم هيموتوا في الآخر وغالبًا أولهم آريا الحلقة اللي جاية على طول عشان كانوا كلهم مبسوطين الحلقة اللي فاتت وده مش عادة GOT خالص فأكيد في إنة ولازم كلنا نركز في ده قبل ما نتغفل.
