كلب

مواقف كتير بنمر بيها ومبنبقاش عارفين نعمل ايه، ماشي بعربيتك وطلعلك كلب من تحت الأرض أو صحيت الصبح بدري وماخدتش بالك ان في قطة صغيرة نايمة تحت العجل. مساعدة الحيوانات دي حاجة مفروضة ومننساش ان في واحد دخل الجنة عشان ساعد كلب. حتي الكائنات البريئة دي طول الوقت محتاجة مساعدتك بس تعمل اية وتروح فين دة السؤال:

أولآ ازاي تساعد كلب أو قطة في الشارع:

1- حاول تجيب اكل ومية الحيوانات دي علي قد ماتقدر عشان فعلآ محتاجين.

2-لو لقيت حيوان مصاب حاول تاخده لأقرب دكتور بيطري أو اديه لأي حد يرعاه لحد ما انت تقدر .

3- افتح قلبك و بيتك للكلب المسكين علي الاقل لحد مايخف وتقدر تلاقيله بيت يعيش فيه.

4- ارجوكوم لو حد موت كلب أو قطة أو حتي لاقيتوا حيوان ميت في الشارع (اكرام الميت دفنه).

5- لو لقيت حد بيضايق حيوان في الشارع متسكتش(الساكت عن الحق شيطان أخرس).

دول شوية أسماء ونمر دكاترة كتير:

و دول أسماء بعض من الملاجئ للحيوانات :

تعالوا نشوف ازاي نقدر نساعد الحيوانات في الملاجئ دي.

1- حاول تتبرع للملاجئ دي كل شهر حتي لو مش بفلوس ممكن ببطاطين أو اطباق بلاستيك أو حتي اكل أو اي حاجة ممكن تساعد والملاجئ دي بتسهل الدنيا علي المتبرعين لأن عندهم متطوعين هيجولك لحد البيت.

2- حاول تتكفل بكل أو قطة في احد الملاجئ.

3-حاول تفتح بيتك أو تلاقي بيت لكلب أو قطة عشان تعيش فيه بامان.

4-زيارة الملاجئ دي حاجة بتسعد الحيوانات جدآ وممكن تعمل حجات كتير هناك.

5- لو مسافر برة تواصل مع الملاجئ عشان بيبقوا محتاجين حد يسفر الحيوانات دي برة مصر لبيوت نهائية.

لازم نبقي عارفين ان ملاجئ الحيوانات والناس اللي بتساعد بيبقوا متطوعين وبيبقي عندهم حياة ومشاغل فالو قالولك انهم مشغولين متاخدهاش علي قلبك وحاول انت تساعد وتتصرف وكمان الملاجئ بيبقي عندهم حيوانات كتير جدآ وفي اوقات كتير مش بيقدروا يستقبلوا حيونات تانية عشان كدة لازم انت تحاول تتصرف.

و بكدة نكون اتكلمنا شوية عن مساعدة الحيوانات البريئة دي في الشوارع . و افتكروا ان الحيوانات لو بتتكلم كانت قالت كتير اوي.