في عادة –منقدرش نأكد 100% إن كانت حلوة ولا وحشة- منتشرة في هولييود تحديدًا إن أغلب المخرجين وشركات الإنتاج بيصوروا مشاهد كتير جدًا من الأعمال بتاعتهم، وممكن يعرضوا أجزاء منها كمان في التريلارز، بس فجأة يغيروا رأيهم ويقرروا يحذفوها من النسخ النهائية اللي بتتعرض للجمهور.
أغلب المشاهد دي بتقوم شركات الإنتاج بإصدارها بعد كدة ضمن نسخ الـ DVD و الـ blu-ray كنوع من زيادة مبيعاتها يعني، وفي المقال ده هنعرض شوية أمثلة معروفة لمشاهد محذوفة من أعمال شهيرة، ومتقلقوش هنعرضها ليكم ومش هنخليكم تشتروا الـ DVD ولا الـ blu-ray.

 

O-new-harry-potter-and-the-deathly-hallows-part-1-character-posters-ron-hermione-and-harry

  • مشهد وداع هاري بوتر لدودلي دورسلي اللي كان في فيلم Harry Potter and the Deathly Hallows Part 1 مكنش مؤثر أكيد في الأحداث، بس كان لطيف إننا نشوف الواد الرخم اللي بنتخنق منه من أول جزء يعمل حاجة لطيفة في الأخر.

 

the-hunger-games-mockingjay-part-1-hd-wallpapers

  • مشهد كمان مكنش مؤثر في الأحداث بتاعة فيلم The Hunger Games: Mockingjay – Part 1 ممكن تشوفوه في الفيديو ده، وسبب حذفه غالبًا لأن المخرج حس إن الـ tone بتاعته مش مناسبة إيقاع الفيلم، بس المشهد ككل كان لطيف برضه.

 

the-notebook

  • مشهد لطيف من فيلم The Notebook اتحذف من غير سبب محدد من النسخة النهائية، بس ولاد الحلال قرروا يخلوه في نسخة الـ DVD.

 

158913319_0ef984

  • لو حد حاسس إن الـ 3 ساعات وربع زمن عرض فيلم Titanic كانوا قليلين وإنهم ملحقوش يشبعوا من جاك وروز، الفيديو ده فيه ربع ساعة زيادة محذوفة من الفيلم.. هاف فان.

 

twilight-poster11

  • عشاق Twilight لو حاسين إن السلسلة وحشتهم وإنهم مفتقدين بيلا وإدوارد والعالم دول، ممكن يشوفو البلاي ليست ده ضامةمشاهد كتيرة اتحذفت من السلسلة كلها.

 

zootopiaposter1

  • Zootopiaكان واحد من ألطف أفلام الأنيمشن اللي اتعرضت السنة دي، والناس اللي حبيته أفتكر هيستمتعوا برضه بالكام مشهد دول اللي اتحذفوا من الفيلم بدون أسباب.

 

pp32769-friends-milkshake-poster

  • مفتكرش إن حد يقدر يكره مسلسل Friends، ومفتكرش برضه إن محدش مفتقده ونفسه يرجع بحلقات جديدة، ولأن ده صعب جدًا يحصل للأسف، فخلونا نصبر نفسنا بالكام مشهد المحذوفين دول.

marvel_cinematic1
لو كنتو من اللي بتحبو أفلام مارفيل المختلفة، فالبلاي ليست دي فيها مشاهد كتيرة محذوفة من أغلب أفلامها.. عيشوا حياتكم.

 

movies-poster_00346064

  • رغم إن أغلب أفلام جيمس كاميرون طويلة أصلًا ومعدية الساعتين بشوية محترمين، بس ده ميمنعش إن الراجل مغرم إنه يصور مشاهد بالعبيط ويحذفها في الأخر، زي ما شفنا مع الربع ساعة من Titanic وأدي كمان 10 دقايق من أول أجزاء Terminator.

 

got ban

  • وأخيرًا هننهي المقال بالمسلسل اللي تلات أربع العالم حاليًا منبهر بيه وهو طبعًا Game of Thrones، ولو حد حاسس إن لسة بدري جدًا على بداية الموسم الجديد-ومعاه حق طبعًا في ده- ممكن يصبر نفسه ويتفرج على النص ساعة دي فيها مشاهد كتيرة محذوفة من أول 6 مواسم.