مهما كنا في جامعات مختلفة أنواع الدكاترة دي موجودة في كل مكان فيهم اللي بنحبهم وفيهم اللي بيحبونا أوي وعاوزنا نقعد معاهم سنين أكت، ودول أكتر أنواع منتشرة في مصر أعرفهم لو لسة داخل جامعة جديد ولو أنت في الجامعة كل ما هتشوف نوع هتقول أسم الدكتور اللي فكرك بيه

سيدي وصالك

دايما بيبقي في الدكتور الوسيم الكاريزما اللي كل الناس بتحبه بيبقي مثل أعلي لولاد كتير والبنات بتنح قدامه، لا و برضه مش هتتجوزي زيه دي دا دا دا دا

 

أنتم زي ولادي

 

 

لا خلاص كده انت عارف ايه اللي بيجي بعد الجملة دي، دي الدكتورة اللي ياما علمت علينا كلنا بعد الجملة الحنينة دي طالما قالتها يبقآ خلاص يا ولاد ماما عاوزانا نقضي الصيف معاها في السمر كورس. دا مايمنعش برضه إن في دكاترة بتحسهم أمهات فعلا وطيبين جدا

 

 

 

يا لوز مقشّر

عاشق كل ما هو مؤنث بيساعد البنات دايما ويجاوبهم في أي حاجة، و يا سلام لو كان في امتحان شفوي ممكن يسأل البنت ايه إستخدام دوا الكحة ويقولك أنت اكتشفلي علاج فيروس c أو خصبلي شوية يورانيوم وأنت قاعد كده

كريستوفر كولومبس و مكتشف ما وراء البحار

كل محاضرة بتبقي عبارة عن 5 دقايق شرح وساعتين عن سفرية أمريكا وانبهار العلماء هناك بيه وبذكائه الخارق. هو نسي يكملكوا بقيت الحكاية و أنا بقولكم إنهم بعد يومين رجعوا مصر عوم.

 

سفاح ال F

 

بيحس إنها عيبة في حقه لو الطلبة نجحوا، وبيبقى فخور وسط الدكاترة كدة بال score اللي جابوا في عدد الساقطين في مادته. مش دايمة لحد إعمل لأخرتك ها..

الشرح موهبة زيه زي الغنا بالظبط لو صوتك وحش وغنيت زي لما تشرح وأنت معندكش الموهبة دي وتفضل تقرأ سلايدز. التعليم صعب محتاج اللي يبسطه مش اللي يعقده زيادة ويكون شايف نفسه إله على الأرض وإوعي تنسآ أن في يوم من الأيام الطالب دا هيكون بيعالجك في العناية وأنت مش حاسس أو بيبني العمارة اللي أولادك هيسكنوا فيها. و أخيرًا كل جيل و له طريقة وعقلية مختلفة ولازم تحترمها.