عيد الام
21 مارس اليوم اللي بنفضل بنفكر فيه من اول الشهر, الناس الناصحة بتعرف تحوش عشان تجيب هدية لامهاتهم لكن المبذرين زي حالاتي احيانا بتواجههم المشكلة دي واليوم بيعدي منغير هدية وساعتها مفيش قدامك غير حل من ال2.

اما انك تطنش خالص كانك ناسي بس ساعتها ماما هتزعل واظن محدش يحب ان ماما تبقي زعلانة منه 

جواهر عبود علي الحدود

الحل التاني بقي انك تعمل فكرة بسيطة تفرح ماما وفي نفس الوقت تبقي مش مكلفة كتير او مش مكلفة نهائيا

واليك 5 افكار ممكن تستخدمهم

1- اكتب جواب لماما

writing a letter

في الاول وفي الاخر ماما ست والستات عموما بيحبوا الجوابات وبالذات لو كان مكتوب بمشاعر حقيقية يمكن حتي متقدرش تعبر عنها لامك بالكلام بس ممكن تكتبها في ورقة وتغلفها وتديها لماما وصدقني هتحتفظ بيه للابد

2- ساعدها في شغل البيت

Family cooking together in kitchen

لو ماما شغالة في البيت كل يوم تطبخ وتنضف وتوضب وتغسل مواعين يبقي من حقها تاخد يوم ” او  اسبوع ” اجازة وانت تعمل ده مكانها .. الحل ده هينفع البنات اكتر لان عندهم خلفية عن الموضوع
” طبعا هي مش هتسمحلك تزود المدة عن يومين عشان غالبا انت هتبقي مبتعرفش تعمل اي حاجه من دول “

3- فسح ماما 

date with mom

خد ماما السينما, قعدها في كافية, هاتلها ايس كريم حتي صدقني هتنبسط

4- نزل صورتك وهي حاضناك علي انستجرام مع هاشتاج #حافظ_علي_حضن_أم 

9ef9d168-db0f-4812-b38b-4edbdd1fcadd

جهينة اعلنوا انهم هيتبرعوا ب١.٥٪ من مجموع المبيعات  لمستشفي بهية للكشف المبكر عن سرطان الثدي عن كل بوست زي ده ينزل علي انستجرام
ساعتها مش بس هتبقي عملت حاجه تبسط ماما لكن كمان هتبسط امهات كتير تانيين وهتشارك مع ناس تانية في الحفاظ علي حضن ام

10449934_1744532735819468_3859835349526013370_n

5- خد ماما لبهية عشان تعمل كشف دوري مجاني 

لو عملت المكتوب في النقطة رقم 4 وزودت كمان هاشتاج #وصلها_لبهية هتاخد توصيلة مجانية من أوبر رايح جي لمستشفي بهية عشان تعمل كشف دوري مجاني وهيتبعتلك Promo code عشان تاخد التوصيلة

1491786_1744532519152823_3919515040188829523_n

الاحسن والاحسن بقي انك تعمل كل ال5 دول .. مفيش حاجه فيهم هتكلفك تقريبا غير بس حبة اهتمام 🙂
وكل سنة وماما طيبة