زمان لما كنت تسأل اي بنت ايه مواصفات فتى أحلامك، بيكون الرد لطيف جدا اللي هو متدين ومحترم وابن ناس وإلخ، لان وقتها كانت الدنيا مقفولة كان جواز الصالونات هو اللي ماشي، مفيش حاجة اسمها قصة حب لو حصلت بتكون قليلة جدا، دلوقتي مع الحريات وانفتاح المجتمع إختلفت مواصفات البنات عن فارس الأحلام  ومنها دي

 

اوبن مايند بس مش اووي

اوين مايندد

لما  تسأل أي بنت، ايه مواصفات فتي أحلامك أول حاجة هتيجي في دماغها انه يكون اوبن مايند ويقدر يتناقش معها ويحتويها ويفهمها بس في نفس يكون عنده شوية من الصفات الراجل الشرقي، بمعني انه يديها حريتها ومساحتها في التعامل بس في نفس الوقت يغير  عليها و يقولها متتأخرش

 

شيك

شيك

لازم يكون شيك وبيلبس على الموضة أو على الأقل بيعرف يختار  الألوان و أو يلبس ايه وفين وأهم من كل ده “الجزمة”  لانها أول حاجة بتلفت النظر البنت لما بتقابل الولد لأول مرة

 

بيصرف

بيصرف

من مواصفات فتي أحلام اي بنت دلوقتي، ان الولد ميكوناش بخيل، أو  بمعني تاني يحسسها أن الفلوس مش مهمة او أخر اهتماماته  ويفسحها ويخرجها ويجبلها ورد وشكولاته.

 

ورد يا إبراهيم

ورد

مطلوب من أي شاب يبحث عن علاقة جاد انه يجيب ورد حتي لو هي مبتحباش الورد هات ورد، الورد بيخلق ذكريات حلوة ما بينكوا.

 

مسافر

مسافر

بيحب السفر، لو البنت من طبعها بتحب تشرك الطرف التاني في  كل تفصيلة من تفاصيل حياتها وتحب يجربوا حاجات جديدة  مع بعض ومنها السفر، والخروج في أماكن جديدة من أول جنوب إفريقية وبلاد العالم التالت لحد برشلونة وباريس وديزني لاند.

 

أذن موسيقية

اذن موسيقية

لازم يكون بيسمع كل أنواع المزيكا، قديم و جديد عربي و أجنبي ، أم كلثوم و عبد الحليم واديل وعبد الباسط حمودة والليثي ومشروع ليلي، ويكون عارف حفلات الساقية وكايرو جاز طبعا لازم يكون بيحب هاني عادل.

 

Supporter

WESTWOOD, CA - FEBRUARY 01: Actor George Clooney (R) and wife Amal Clooney arrive at the Premiere Of Universal Pictures' 'Hail, Caesar!' at Regency Village Theatre on February 1, 2016 in Westwood, California. (Photo by Jeffrey Mayer/WireImage)

من أهم المواصفات اللي اي بنت بتتمناها في شريك حياتها او الشخص اللي حابة ترتبط بيه هو انه يكون بيدعمها وبيقف في ضهرها ومبيسخرش من شغلها او ثقافتها او حتي ذوقها او اختيارها لأصحابها.