أي بنت في نهاية العشرينات من عمرها دلوقتي أو دخلت بالفعل في التلاتين، واتربت مع أخد أكبر منها فهي عانت من حاجات كتير جداً محدش هيفهمها غيرهاـ سواء حاجات حلوة أو حاجات وحشة، بس عشان نتكلم بصراحة معظم الحاجات بتكون وحشة .
١- قومي أعملي شاي
من المعروف في مصر أن الأخت الصغرة هي سيدة بتاعت الأخ الكبير، فاكرة لكا كان يندهلك من الأوضة جوه عشان تناوليه حاجة قدامه على الأرض بس هو مكسل يمد ايده يجبها ؟
٢- هقول لماما
التهديد أحد أهم وسائل الأخ الكبير في السيطرة على محاولات الأخت الصغرى في التمرد.. “هتعمليلي كذا ولا أقول لماما أن انتي اللي كسرتي الكوباية… وفي 90 % من الحالات بيكون هو اللي كسرها اصلا
٣- دراعك بيوجعك أوي ياض يا مرسي!
كام واحدة منكم عندها علامة في جسمها (جرح –حرق –كسر) بسبب هزاره السخيف وكأنك واحد صاحبه من طفلة صغيرة رقيقة… انا ايدي معلمه فيها لحد دلوقتي ضفر اخويا
٤- فين كيس البلي؟
لو كنتي البنت الوحيدة معاه ومفيش غيركم هتلاقي نفسك مع الوقت واحدة من شلة اخوكي الولاد وبتلعبي العابهم، لعبتي قبل كده صدة ردة بالكورة؟ ولا لعبتي بلي وكنتي بتتخانقي معاه طول الوقت انه بيسرق البلي من كيسك ويحطه في كيسه هو.. خاصة البلية السودا الكبيرة
٥- ايه الشريط اللي في الدولاب ده !
اكتشاف العوالم الللي ميصحس تكتشفيها بدري بدري … هو بيمر بفترة المراهقة.. وبيجيب اشياء ممنوعة من صحابه، ويخبيها في الدولاب وانتي عايزة تعرفي ايه الحاجة الوحيدة اللي مش بيشاركوكي فيها.. تقومي فاتحة الدولاب وتحاول تتفرجي على الفيلم.. و عليه العوض ومنه العوض
٦- ايه الريحة الغريبة دي
لما اخوكي وصحابه قفلوا باب الأوضة عليهم وخيم على الأوضة جو مريب من الصمت مع القهقهات الغريبة وانتي فضلتي تتصنتي مسمعتيش حاجة… بس شميتي!
٧- الكمبيوتر ملكيته الخاصة
لما التكنولوجيا تطورت وبدأت أجهزة الكمبيوتر تدخل البيت فالأساسي أن الكمبيوتر ده بتاع أخوكي لحد ما يزهق منه ساعتها ممكن تبقى انتي تستخدميه
٨- نادورجي
خليكي واقفة في البلكونة وأول ما ماما أو بابا يجوا تعالي قولي لي بسرعة.. عشان يلحق يسرب جارتكم اللي معاه في الأوضة
٩- التعذيب النازي من أجل المرح
دايما تلاقي زكريات أخوكي الكبير عن طفلوتكم سوا سعيدة وبيكن لك معزة خاصة كده وهو مش فاهم أن كل تهريجة السخيف هو اللي كان بيستمتع بيه لوحده و انتي لو عليكي كنتي بطحتيه بحاجة
١٠ -نامي في الحمام
