سناب شات او الصناب (علي رأي فيفي عبده) هو الابلكيشن الاكثر استخداما حاليا في مصر ؛ و واخد مكانته كموضة بعد فيسبوك وتويتر و انستجرام ما خدوا وضعهم واستقروا .
السناب شات مستخدم عند الاخوة العرب من فترة طويلة ولو نصيبك تعرف حد فيهم هتلاقي دايما السنابس بتاعهم تقريبا معدين 15 الف مستريح وكلها صور اكل ولا فيديوهات لرجلهم وهما ماشين . لان معظمهم مبيحطش صور شخصية .
السناب فالبداية (كمستخدم اصيل قديم) كان معمول برنامج تقدر تبعت صور للناس بدون مايقدروا يعملولها save  وكان لازم تفضل دايس بصوباعك عالشاشة عشان تقدر تبص فالصورة فكان شبة مستحيل حد ياخد سكرين شوت . وطبعا ده لان معظم المستخدمين كانوا بيبتعوا نودز لبعض (اي صور اباحية) .
لكن حاليا الوضع اختلف بعد ما ابتدوا يطوروا نفسهم ؛ فبقي متاح تاخد سكرين شوت عادي للناس بس بيبعتلهم نتوفيكشن من صور صورهم وخادها وبكده تعرف امتي ولد خد صورك لو بنت او امتي بنت عندها كراش عليك وخدت صورك لو ولد (وده قليل لما بيحصل بس بيحصل)
 
مبدئيا نزل الابلكيشن واعمل سين اب واكتب معلوماتك يامعلم وافتح الابلكيشن .
هيظهرلك شاشة زي دي 

Screenshot_2016-02-15-12-10-40

هتسحب الشبح اللي فوق ده يامعلم بايدك .. لما تسحبه هيبان لك شاشة اخري
Snapchat-Trophy-640x563
اخر اوبشن هو انك تعمل ادد للكونتاكت بتوعك بارقام التليفونات … واللي فوقيه ده بيعمل ادد لو معاك اليوزرنيم او لو حد قريب ممكن تفتحوا انت الاتنين سناب شات وهو بيعمل ادد اتوماتيك .
امال اول اختيار فهو الناس اللي عملتلك ادد وهنا مش بالضرورة تعملهم ادد باك لانه اقرب لتويتر ممكن ناس تعملك ادد وتشوف السنابس بتاعتك عادي بدون مانت تشوف صورهم وتتعب نفسك .
Screenshot_2016-02-15-12-26-25 
فوق عاليمين هتلاقي الستينجز بتاعك وعالشمال ده الhelp  وفالنص كده ده بيظهر كأس لما بتاخد سنابس كتير وده أسمه trophy case  ودي ملهاش كاتلوج عالابلكيشن لازم تدور علي جوجل عشان تفهم التروفي دي تكسبها ازاي (يعني واحد معتمد علي عدد صورك وفيديوهات كل ما بيزيدوا ؛ او صورك اللي بتصورها ابيض واسود فقط ؛ او فيديوهات بالطريقة العكسية ؛ او انك بتبعت صور وفيديوز لاصحابك بس مش بس عالتايم لاين للناس كلها) .
 
لما تيجي تاخد صورة وتكون مشغل اللوكيشن فالموبايل .. هتلاقي الاتي
snapchat-camera
اللي عاليمين ده الكاميرا واللي عالشمال فوق ده الفلاش .. وهنا حتي لو بتاخد سيلفي لنفسك ممكن تشغل الفلاش كمان لانه بينور شاشة الموبايل بديل عن الفلاش .
IMG_4725 (1) 
وتحت عاليمين ده لما تفتح التايم لان بتاعتك او my stories  ودي لما تدوسي عليها هتقدر تشوف الاسنابس بتاعك ومين عملها seen  او مين عملها screen shot
2015-01-02-BhrpaSmIgAALj0Z 
المثلثين المتدخلين دول طبعا الاسكرين شوت لما تلاقيها اخضر كده تدوس عليها هيوريك اسم اللي قلب صورك منك
 
لما تيجي تاخد صورة او فيديو بقي يامعلم :
hawtstories 
لما تدوس علي الدايزة الي فالنص وخلاص صورت زي المثال ده :
فوق عاليمين ده عشان تكتب عالصورة وتظهر الالوان اللي ممكن ترسم بيها لو ليك مزاج والاكس فوق عالشمال دي تلغي الصورة/الفيديو طبعا .
تحت عالشمال الرقم ده تدوس عليه ممكن تختار وقت عرض الصور من 3 ل 10 ثواني
والسهم اللي لتحت ده تقدر تعمل save  للصورة/فيديو عندك عالتليفون
والاوبشن اللي جنبهم بيحط الصور اتوماتيك عالستوريز بتاعك واوعي تدوس عليه عشان لو حبيت تبعت صور لشخص واحد مش كل الناس تشوفها وشكلك يبقي وحش
 
اما اخر اوبشن تحت عاليمين ده عشان تفتح بوكس وتحدد عايزها عالتايم لاين بتاعك ولا هتبعتها لحد معين .
 
لو شغلت السليفي عشان تتصور ودوست دوسة طويلة علي وشك هيظهرلك مجموعة من ال falters اللي بتركب اتوماتيك علي ملامح وشك وشكلها لطيف وبتتغير يوميا تقريبا
images (1) 
اما لما تيجي تكلم حد بينك وبينه فمجرد اول ما تفتح الابلكيشن ودوس علي الشمال تحت … وابعت براحتك صور وفيديوهات واشحن بخمسين كمان ولا يهمك … عامة هو ميزة الابلكينش انه معلهوش اكونتات fake زي تويترو فيسبوك ومعلهوش صفحات واعلانات وسخافات هو مشكلة الادمان هتحس انك بتصور كل حاجة وعايز تاخد كل التروفي كيس بتاعته بس عموما هو لعبة جديدة لحد ما نلاقي ابلكيشن جديد ونسيب ده ونروح له .