كلنا اكيد عندنا صحاب و بتختلف اهميتهم من شخص لتاني يعني فيه حد ممكن يبقى الصحاب بالنسبة له عيلته التانيه او الناس الحلوة اللى بتنسى معاهم قرف و هموم الدراسة او الشغل بس ايًا كان الصحاب بيمثلولك ايه فانت اكيد هيبقى عندك الانواع دي فى شلتك المقربة،

 

اولا الاساسي :

53a823f80920d

كلنا لازم يكون عندنا الصديق الاساسى اللى هو غالبا بتبقى عرفه من ايام المدرسة و غالبا من كي جي و ممكن الصديق الاساسي ده يبقى اكتر من واحد المهم ان وجوده اساسي فى حياتك حتى لو اتشغلتوا عن بعض ف لازم تطمنوا على بعض ب call او texting و الشخص الاساسي ده بيقى اجدع واحد فى صحابك الي هو انا احمد السقا اوي فى نفسي.

 

ثانيا ال sarcastic :
hqdefault

الصديق ال sarcastic ده نادرا ما بيتكلم بجد هو حرفيا جي الدنيا يهزر زي يحيى الفخراني فى الكيف بس لو اتكلم هتلاقيه عميق اوي و تاخد منه رأي سديد فى مشاكلك ،الشخص ده بيتغذى على الافيهات عشان ينمى ال sense of humor عنده و غالبا الخروجة من غيره بتبقى مملة و روتينية.

 

ثالثا الحامي و المحامي :

2862639098_1

ده دايما بيتقمص دور الاب او الام على حسب نوعه يعني فهو دايما خايف عليك و شايل همك و لازم دايما يديك فى نصايح و يدافع عنك قدام الناس و فى وقت الخناقات بيسيب شخصية الاب دي و يتحول لابراهيم الابيض عشانك.

 

رابعا ال invisible :

Casper-1995-ScreenShot-49

الصديق ال invisible ده هو اللى ممكن تبقوا قريبين اوي و اكتر واحد عارف بلاوييك و غالبا بيكون اول صديق عرفته فى حياتك بس هو مش موجود معانا بجسمه لاهو موجود بقلبه مش قصدي انه ميت لا بس هو مختفى على طول ،يعنى مش بيكلمك بس ممكن ي text من حين لاخر و نادرا ما تلاقيه بيبعت voice note و لما حتى بتشوفه هتلاقيه سارح هناك كده مش معانا و باصص فوق دايما يعنى غالبا الشخص ده قرينك لان هو اكتر واحد فهمك بس هو invisible للاسف.

 

خامسا الدماغ :

snapsh10

الصديق الدماغ اللي هتلاقيه عنده دايما a good taste للمزيكا و الافلام و غالبا بيقرا كتير و دايما بيكون حاجته كلها عند صحابه سواء كتب او فلاشات عليها افلام .طبعا الشخص ده بيبقى ناقد الشله اى فيلم هيشوفه لازم يسالوا قبليها و حتى لو مسالهوش هو بيبدي رأيه هو كدة غصب و اقتدار.

 

سادسا المنحوس :

tumblr_inline_myagrqbSVu1rfkmm3

صاحبنا ده الدنيا جت عليه بالجامد و لسه بتيجي الحقيقة دايما بياخد على قفاه و مفيش حاجة سلكة معاه سواء بقى فى علاقات او شغل او حياة يومية عادية ،الشخص ده اما تلاقيه اختفى فجاة و صوته اتقطع اعرف انك هتكلمه هتلاقى فى مصيبة ،خلى بالكوا من الشخص ده يا جماعة لانه بيقى طيب فمش هتبقوا انتوا و الدنيا يعني.

 

سابعا: ال motivator
tumblr_inline_ntwzq9Wdo11tuwnws_500

ده بقى اللي هتلاقى ماشي وراك فى كل حته يقولك عاش عاش يلا كمل و اتقدم وهكذا. لو صحابك كلهم بيشجعوك بنسبة٩٠٪ ده لوحده هبقى بنسبة ١٥٠ ٪ و بيشجعك فى اى حاحة سواء بقى فى دراسة فى شغل فى حب اى حاجة و دابما الشخص ده بيجى اول واحد فى بالك اما حاحة حلوة تحصلك و اول واحد تكلمه لانه غالبا بيعملك فرح فى التليفون.

 

ثامنا:ال over thinker

6cf3cd0d07c36b52b36e08a66d6f03b1_123470520_102

ده ممكن يبقى اسمه المجنون برضه ده بالنسبة الليل هو فرج بتاع الكرنك او حمدي الوزير بيجي و يجبله معاه القديم و الجديد و اللى لسه هيحصل برضو و مالو و كتر التفكير بيجبلو احساس بال insecurity فبيحس ان كل اللى بيحبوه هيسيبوه و يطلعوا يجروا دون ادنى سبب ،فنصيحة متسبوش الشخص ده كتير لوحده.

 

تاسعا : ال anti -calories

18066

الصديق اللي بيثبت مقولة ان life is unfairصحيحة ده اللى بياكل كتير اوي و متفهمش الاكل بيتبخر فى بوقه و لا ايه و انت تبقى ياعينى حارم نفسك و مقضيها squats و تتخن برضو و هو قاعد فى الخلفية فى مشهد مظلم بياكل فطيرة سجق من حمزة و بيضحك عليك و يبرق.

 

عاشرا :التصوير حياتي person-

c6622e4cb5725c4cba698d1dc94d9f95

ده بقى اللي بيعشق التصوير سواء selfie او عادي هو اشطة دايس فى اى حاجة ، ده فجاة هتكونوا بتكلموا و يقول يلا يا جماعة نتصور طب يا حبيبي اصبر بس نكمل الكلام مفيش هو حبكت معاه دلوقتى و غالبا اما بيرجع بيته هيبقى اول واحد هيطلب منك الصور و لو هو اللي مصور بكاميرته مش هيديك حاجة و هيفضل ي upload هو فى كل ال social media كنوع من انواعالذل تقريبا.

 

كده الانواع خلصت طبعا فيه كتير بس دول اللى لازم يبقوا موجدين فى اي شله بس مهما اختلفت انواعهم و صفاتهم حاول تحافظ على صحابك لانهم السند و الضهر و عديلهم اي حاجة لانهم اكيد استحملوك فى حاجات كتير محدش فينا ملاك يعنى.