بقلم : كاريمان محمد
صاحبتي الحشريه اللطيفه اللي زانقه نفسها في مقاس بنطلوني اخبارك ايه اتمني تاكلي المولتن كيك وضميرك مستريح
,لو بطنك وجعتك يبقي اكيد انا السبب , اصلي بصيت وركزت فيها اوي .. كلنا بنقابل النوع الحشري ده اللي غالبا مبيزهقش من نفس السؤال (مش شايفه انك تخنتي شويه) وبما ان الصيف داخل يبقي هنسمع الكلمه دي كتير يبقي لازم نعمل دايت لطيف كده وبرده نجهز شويه ردود نقولها للشخصيات دي
1-اه تخنت قعلا انا حاسه كده , ماما اكلها احلو كتير بعد ما تابعت الشيف حسن مبقتش اقدر امسك نفسي لازم تيجي تجربي عزماكي
2 – اه شوفتي انا بحس كده في هدوم وهدوم بس انتي صح ايه رِأيك ننزل سوا نلعب ايروبكس او زومبا اصل لاحظت انك زايده شويه برده
3تخنت!!! لاخالص يمكن استايل اللبس مختلف بس انا زي منا بالمناسبه اللون ده عليكي تحفه متلبسيهوش تاني
4مين قال مش هلاقي اللي يحبني وانا كده, بكره هلاقي اللي يجرى ورايا هاهاها هبقي اخليه يجري ورايا في التراك
5 سايبه نفسي ..مم اصل سمعت ان الموضه رجعت وان اللي هيتدوز هيوزن حبيبته دهب فقولت ازود بقي زياده الخير خيرين
6 اه لو ماما سمعتك كانت زعلت خالص , دي كل يوم تقول كلي كلي كلي , مش عارفه هي علي طول شيفاني خاسه ماماتي بقي وكده
7ايه ده تفتكرى انه محبنيش عشان وزني , لا مش معقول دي ليلي علوي اتحبت من معظم رجاله البلد وقلبوظه ف نفسها كده قمرايه
8 اخر علاقتي بالرياضه ممكن تكون زي علاقه هياتم بشحاته ابوكف
9 اه هعمل قريب اسمه دايت البيتزا فظيع جربيه معايا شهرين هتبطلي تقوليلي تخنتي دي خالص
10 مش عارفه انتي ليه شايفاني كده ده انا حتي صحتي كويسه وشايفه شكلي حلو وبعدين بطلي تقولي تخنت دي قولي احلويت
