بالرغم من اختلاف الاماكن والاعمار والطبقات الاجتماعية حتي .. يظل سلوك معظم الامهات المصرية متشابه جدا؛ وخاصة في الاحتفاظ باشياء غريبة واستخدامها في استخدامات تانية مبتكرة بتظهر قد ايه الام المصرية مبتكرة فعلا
ودول اشهر 12 حاجه هتلاقيهم في اي بيت
1- برطمانات النيسكافيه
مليانة بهارات بقي او توابل, ملح او سكر, ترتر حتي بس مش هتلاقي فيها نيسكافية
2- فلنات واحيانا بوكسرات قديمة
تلميع بقي او حتي لو حاجه اتدلقت تلحق الارض قبل البقعة
3- علب بسكوت فاضية
عدة الخياطة بقي
4- برطمانات الجبنة
مفيش استخدام محدد بس ساعات بتتحول كوبايات عادي
5- اكياس بلاستيك
اياك ترمي اي كيس .. دول كنز ثمين
6- شماعات المكوجي
بعضهم عمره ما هيرجع للمكوجي
7- زجاجات المياه المعدنية او الغازية الفاضية
بنشرب فيها مياه عادية يعني هي معمولة عشان كده
8- الاطباق ال” فوم “
اللي بتشتري فيهم لانشون او جبنة رومي .. بتخلص الاكل وعمرك ما بترميهم
9- باكيت كنتاكي
وخصوصا لو فيها المنديل المعطر
10- اكياس كاتشب
موجوده في درج كل مطبخ
11- علبة الجبنة الدومتي الشهيرة
او علب ايس كريم قديمة برضه .. هتلاقيهم في التلاجة وفيهم حاجه مجهولة محدش عارفها غير ماما
12- زجاجات ال” جلانس “
ممكن تسقي بيهم الزرع .. وممكن تلعب بيهم مع اخواتك Waterfight!
