حبيبك سابك وعايزة ترجعيله؟ حاسة ان الحياة ملهاش لا طعم ولا لون من غيره؟ طيب، بصرف النظر عن السبب اللي خلاكوا تسيبوا بعض أو مين اللي غلطان، في شوية خطوات كدة لازم تعمليهم عشان تقدري توصلي لهدف بسهولة وتستعيدي حبيبك وتخليه يرجعلك، وده اللي هنقولك عليه من خلال المقال ده..
نيولوك جديد
أول حاجة لازم تعمليها هي إنك تغيري في شكلك وستايلك، اشتري هدوم جديدة، حطي مكياج بطريقة مختلفة، غيري قصة أو لون شعرك، اعملي دايت والعبي رياضة عشان تظبطي شكل جسمك(لو محتاجة يعني)، صدقيني الحاجات دي بتفرق جداً، لما يلاقيكي عمالة تحلوي هيبدأ يندم إنك سابك ويتمنى لو يقدر يرجعلك تاني.
أستفزي غيرته
في معظم الأوقات، بيحتاج الراجل لموقف يعمله زي صدمة كهربائية كدة تفوقه وتخرج المشاعر اللي جواه، وده هو الهدف من استفزاز غيرته، لانه ساعتها هيحس إنه فعلا خسرك للأبد، مفيش مانع من شوية تمثيل، حسسيه إن في حد جديد في حياتك أو إنك عايشة حياتك وبتروحي وتيجي ولا فارق معاكي، واتفرجي عليه بعد كدة هيبقى عامل إزاي.
تجاهليه ومتحسسيهوش إنك غيرانة
حاولي على قد ما تقدري تتجاهليه ومتحسسيهوش إنك عايزة ترجعيله ولا إنك متابعاه ومتابعة أخباره، ولو في يوم حسيتي إنك غيرانة عليه إوعي تبيني له، ولو حسيتي برضه إنه واحشك متخليهوش يعرف ده، هتلاقيه هيتجنن ويعرف هل انتي فعلا نسيتيه وبطلتي تحبيه ومش بعيد يكلمك ويدور عليكي عشان يتأكد.
لو كنتي انتي الغلطانة اعترفي بأخطائك
