مسلسل “ازاي قابت أمكم How I Met Your Mother ” الكوميدي الأمريكي، فيه واحد أسمه بارني ستينسون، مهمته الأساسية في الحياة أنه يتعرف على بنات ويغرغر بيهم وبعدين يختفي وميشفهوش تاني ابداً، بارني أحترف الموضوع ده لدرجة انه عمل كتاب أسمه ال،Playbook.. جميع فيه كل الطرق اللي ممكن يقدر بيها يصطاد بنات وكان بيتعامل مع الكتاب ده على أنه شيء مقدس، وعشان كده في الموضوع ده هننقلكم بعض الطرق اللي هو اتكلم عليها :

 

  • خالتي أسمها حموقة.. وماتت محروقة.

1

والطريقة دي بيتم الإعتماد فيها على الصعبنيات بس بطريقة مبتكرة، يعني مثلا بارني كان عنده طريقة في الكتاب ده أسمها طريقة “تيد موزبي” وده أسم صديقه اللي عروسته سابته يوم الفرح وهربت، فهو لما بيعوز يصطاد بنت يمثل عليها أنه أسمه تيد وأن عروسته سابته من يومين في الفرح وهربت ويقعد يشرح أد أيه هو مصدوم، لحد ما يصعب على البنت، والبنت طبعا ما هتصدق تلاقي شخص أصلا يفكر يتجوز وهتنبهر بفكرة إخلاصه والموضوع مش هياخد يوم و تكون البنت أتعلقت بالولد ده.
  • بتبوس أيدي ليه أنا والدتك

10354674_769071246458976_5322507860224586523_n
وفي الخدعة دي قرر بارني وتحدى صحابه أنه يقدر يصطاد بنت وهو بيتكلم وبيتصرف زي العيل الصغير، وفعلاً كان في البار كل شوية يلف على بنت بنت وهو بيتكلم زي الأطفال بس البنات كلها رفضته ولما حس بالفشل حزن بجد وقعد ياكل ايس كريم لوحده وهو بيعيط وفجأة ظهرت واحدة وهي بتسأله انت بتعيط ليه فشخط فيها زي الأطفال فعلاً وهنا أكتشف أن البنت نفسها عندها إنجذاب ناحيته لأن ببساطة جوا كل بنت أم مستخبية مستنية اللحظة الصح عشان تطلع فيها بس لازم تسبك الدور كويس ومتأفورش.

 

  • الدواء فيه سماً قاتل

hqdefault
واللعبة دي محتاجة منك أنك تكون شجاع شوية، روح أي كافية ونقي بنت تكون قاعدة لوحدها، وبعد ما تطلب حاجة تشربها أجري عليها بسرعة قبل ما تشرب أول شفطة ووقع الكوباية من أيدها وأقولها وأنت مفزوع “أوعي تشربي ده… أنا شفت واحد بيحط لك فيه حاجة”، البنت هتتفزع طبعاً وأنت لازم يبان انك مخضوض بجد عشان متشكش فيك ولما تسألك مين اللي عمل كده، نقي أكتر شاب قلة في المكان عشان لو أضطريت تتخانق معاه ماتضربش، وطبعا أي بنت في الدنيا طول الوقت حسا أن عندها أعداء فهتصدقك أكيد عشان تشعر بأهميتها وطبعا أنت هتكون بطل بالنسبة لها وهي اللي هتجري وراك.
  • ده مشهووور أوي

hqdefault (1)

ودي خدعة هتحتاج منك مجهود سيكا، بس هي عبقرية، أختار أسم مش حقيقي يكون مميز جدا وسهل يتحفظ، اعمل كذا بلوج أو موقع ممكن يتعمل بسرعة بأسم الشخص ده،ـ واملاه صورك وأخبار عظيمة عنك في أي مجال تحبه به سواء غنا او طب أو رياضة بس حاول تنقي حاجة تكون مش منطقية أنك ماتتشهرش في التلفزيون أوي، وبعد ما تجهز المواقع دي كلها، ادخل مكان عام ينفع تكلم فيه بنات عادي، واقف جمب البنت اللي عجباك واول ما عينها تيجي في عينك قولها “ايوه انا ..انتي عرفتيني” البنت طبعا مش هتفهم حاجة و هتقولك انت مين يعني، انبهر انت جدا بقى انها مش عارفاك، والله يا سلام الواحد ممكن يعيش حياة طبيعية، هييه محدش عارفني، وبعدين استأذن منها وأمشي بعد ما تكون قولت لها اسمك عشان تديها مساحة تعمل سيرش على الاسم في جوجل، وبعدين أرجع بعد فترة تكون شافت كل حاجة بس ملحقتش تقرا اوي، وقولها انا عارفة انها حاجة غريبة بس ممكن أعزمك على حاجة نشربها سوا، هتلاقيها فرحت جدا وراحت معك.