طبعاً كلنا عارفين ان كل يوم بينزل برامج جديدة ومتنوعة للموبيلات، منها برامج الـ”chatting” المختلفة زي الـ”whatsapp” والـ”viber” والـ”line” والـfacebook messanger”” وغيرها كتير، واللي المفروض إن كلها بتسهل التواصل الإجتماعي وبتقرب البعيد، لكن الغريب إنها أثرت وبشكل مباشر على مكالماتنا العادية، فبعد ما كنا بنتصل ببعض ونرغي بالساعات في التليفون بقت مكالماتنا كلها بتقتصر على “انت فين”، “مجيتش ليه”، “انا وصلت” …. هل ياترى إيه السبب ؟!  لما جيت فكرت شوية اكتشفت ان السبب هو إن الـ”chat” ليه مميزات كتير تخلي أي حد يفضله عن الـ”phone calls”، ومنها الـ5 اللي هقولكم عليهم دول..

1-الـprivacy”

maxresdefault

لو بتتكلم في التليفون مع واحد صاحبك أو واحدة صاحبتك وبتحكوا موقف معين أو حاجة حصلت، وارد جداً إن أي حد جنبك يسمعك ويعرف حاجات انت مش عايزه يعرفها، وعشان كدة الـ”chat” بيكون أحسن لانه بيوفرك الـ”privacy” اللي انت عايزها.

2-مفيش كسوف

56e5ce56a4f12

بالنسبة لناس كتير فيه كلام صعب يتقال في التليفون، سواء كان اعتراف بحاجة أو عتاب أو حتى كلام حلو وده بسبب الكسوف، وعشان كدة الـ”chat” بيكون هو الحل المناسب في المواقف اللي زي دي لانه بيساعدك تقول كل اللي في قلبك من غير كسوف.

3-“screenshot” للذكرى

32Pd1ZLCxigFGHys

لو حبيبتك قالتك كلام حلو أو حبت فيك شوية في التليفون مش هتقدر تحتفظ باللحظة دي للذكرى، لكن لو كنتوا بتتكلموا عى الـchat””، تقدر ببساطة جدا تاخد “screenshot” وتحتفظ باللحظة الرومانسية دي وترجعلها كل فترة تفتكرها.

4-وقتك ملكك

_310x310_096a1ae606846a93b09486524e6fa8d496003d6efd4d1fa1742095d63833d680

وانت بتتكلم في التليفون صعب تقدر تعمل أي حاجة تانية، لأن تفكيرك كله بيكون محصور في حوارك مع الشخص اللي بتكلمه، لكن الـ”chat” بيسمحلك إنك تعمل أكتر من حاجة في نفس الوقت، يعني ممكن تبقى بتتكلم مع اهلك وانت بتعمل شات مع واحد صاحبك عادي جداً مش مضطر تقطع المكالمة عشان ترد على حد بيكلمك وترجع تكمل تاني.

5-بتاخد وقتك في التفكير

14557632951

وأخيراً بقى الـchat” بيديلك فرصة إنك تفكر قبل ما ترد، وده بالنسبة لكتير مننا ميزة من أهم مزايا الـ”chatting”، لأننا في المكالمة بنضطر نرد بسرعة فا مبنلحقش نفكر في الكلام اللي هنقوله، وده ساعات كتير بيخلينا نندم على حاجات قلناها ونتمنى لو نقدر نرجع لنفس الموقف تاني ونرد رد مختلف