شهر أغسطس، واحد من أطول شهور السنة، مع إنه 31 يوم بس إلا إنه لازم هيعدي عليك وكأنه 3 شهور مش شهر واحد، وده بسبب حاجات كتير، أولها مثلاً إنه واحد من شهور الصيف الأكتر حراً، ده غير كم المناسبات وأعياد الميلاد اللي في الشهر ده، وبما إننا في شهر 8، احب اقولكم انكوا أكيد هتعدوا بالـ 5 حاجات دول..

1-هتطلع الساحل

canvas

 

لو انت بني أدم طبيعي، أكيد أول حاجة هتفكر فيها هي إنك تسافر أي حتة تغير جو، ده لو عرفت تاخد اجازة من شغلك يعني، وبما إن الساحل هو المصيف الرسمي لكل المصريين، فا أكيد مش هتعدي الشهر ده غير لما تطلع زيارة سريعة كدة لمارينا ولا مراسي أو هيسيندا والأماكن الجميلة اللي تفتح النفس دي 😀

2-هتحضر أفراح كتير

maxresdefault (1)

شهر 8 معروف بإنه “موسم التزاوج”، فيه كمية أفراج مش هتلاقيها في أي شهر تاني من شهور السنة، ده طبعاً غير أعياد الميلاد اللي تحسسك إن الناس كللها اتولدت في أغسطس من كتر ما هما كتير، وعشان كدة أكيد الشهر ده مش هيعدي من غير ما تحضرلك على الأقل مناسبتين تلاتة.

3-هتفطس من الحر

images (1)

مهما حاولت بقى ولا هربت من حر شهر 8 أو قعدت في أماكن مكيفة، فصدقني بمجرد ما تنزل الشارع 5 دقايق هتلاقي نفسك بتجيب مية من كل حتة، وأكيد جربت بنفسك الموضوع ده مش مستنيني انا اقولك يعني

4-هتدعي الشهر يخلص

_310x310_dafb24bb26a05381885ccf8d4ab95c0f12889e420f3ebef0442c744b496e8733

الشهر ده حقيقي طويل طول مش ممكن، تحس كدة انه سنة كاملة مش بس شهر واحد، وده بسبب كمية الأحداث اللي هتعيشها خلال الشهر، ده غير المناسبات الكتير والأفراح وأعياد الميلاد وغيره، وعشان كدة هتلاقي نفسك بتدعي الشهر ده يخلص بقى ويسيبنا في حلنا وكفاية عليه كدة.

5-هتستلف من كل اللي تعرفهم

Cn-x7snWgAEQwRs

لو كنت بتشتغل، فا عشان تكمل الشهر بسلطاتة وبابا غنوجه، مقدامكش غير إنك تستلف من طوب الأرض، وبالشكل ده هتلاقي نفسك خلصت المرتب من قبل ما تقبض، انا قلتلك اهو وعملت اللي عليا عشا تلحق تعمل حسابك 😀
لو شايفين إن في حاجات تانية بتتعمل في شهر 8 ياريت تقولولنا عليها في الكومنتات…