الصيف يعني سفر، والسفر يعني بحر، والبحر يعني تان، والتان يعني سمار ولسوعة وتقشير جلد وحاجات تانية كتير، ومهما حاولت تحافظ على بشرتك أو تحط “صن بلوك” عشان يحميك من الشمس مش هتسلم من شوية تقشير صغيرين كدة، وعشان كدة هنقولك انهاردة على مجموعة من النصايح اللي هتساعدك تهدي بشرتك ومتشيلش هم المصيف.

1- اشرب مياه كتير

1

ترطيب البشرة حاجة من اهم الحاجات اللي لازم تعملها في الوقت ده، ولأن صحة بشرتك بتبدأ من جوة، حاول تشرب مياه كتير لانها هتساعدك جداً تعالج المصيبة اللي انت عملتها في نفسك ده.

2- شوية انتعاش

Young woman reacting in shock to hot or cold shower water as she stands under the shower head washing her hair eyes closed with her hands raised and mouth open; Shutterstock ID 245687524; PO: cold-shower-wake-up-stock-TODAY-tz-150422; Client: TODAY digital

طبعاً دش ساقع دلوقتي بالدنيا وما فيها، وخصوصاً عشان تطفي النار اللي انت حاسس بيها دي، ومش بس كدة المياه الساقعة هتساعدك كمان تتخلص من التسلخات وتهديلك بشرتك.

3- بلاش هرش

3

طبعاً جسمك وجعك وعمال تدعك جلدك، ارجوك بلاش ولو كان ضروري هات حتة قماش ناعمة وحط عليها حتة ثلج أو شوية لبن ساقعيين ومشيها كدة بالراحة على جسمك عشان تخلص من الاحساس ده، ده غير إن اللبن هيهديلك بشرتك ويرطبها ويقلل احمرارها.

4- اديها طراوة

USA, New Jersey, Young woman applying cream on shoulder

بعد ما تخلص كل اللي فات، هات علبة كريم مرطب بالألوفيرا أو بالزبادي والخيار وادهن منها على الاماكن الملتهبة في جسمك، ومتنساش تدعيلي.

5- واخيراً، اياك تقشر جلدك بنفسك!

5

بقولك كدة وانا اصلاً لما بشرتي بتقشر كنت دايماً بكمل عليها بنفسي، طبعاً مهو منظر الجلد وهو مقشر كدة بيغريك تشيله وعشان كدة كنت بتبهدل وجسمي بيفضل مبقع، لحد ما اتعلمت امسك نفسي ومشيلش غير الأجزاء الميتة واحط بقى على الباقي مرهم مضاد للجراثيم.
وفي الأخر بقى اجازة سعيدة وسيبها على الله، اللي ليك نصيب فيه هتشوفه 😀