شهر رمضان الكريم في اخر ايامه بكل أجوائه المبهجة و تفاصيل اللمة الحلوة على الفطار قبل المغرب و تحضير السحور بسرعة قبل أذان الفجر بالأظافة لكل الأكلات و المشروبات اللي بتظهر بكثافة فى الشهر دا زي الكنافة و القطايف و عصير قمر الدين و الخشاف و التمر و الزبادي بالليل بعد الفول اللي بيغير معاده من أول اليوم لأخره ! بس كمان فى أكلات بتختفي نهائياً فى شهر رمضان لتأثيرها على الجوع و العطش و غيرها من المسببات اللى ممكن تزود من صعوبة الصيام و لكن بعد أنتهاء الشهر الفضيل تلاقي المصريين بياكلوها بنهم و أستمتاع بعد حرمانهم منها طوال رمضان .
1 – الفلافل / الطعمية
من أشهى الأكلات المصرية و لكن فى رمضان تختفي تماماً فمطاعم الفول و الطعمية تتخصص لفول السحور فقط و توقف نشاط الطعمية بسبب عدم أقبال المصريين عليها بسبب تأثيرها على حرقة و حموضة المعدة و زيادة الشعور بالعطش و لكن الفطار الرسمي أول يوم العيد لأغلب المصريين بيكون طعمية سخنة تعويضاً عن حرمان شهر كامل .